川聚緣

營業中

休息中

今次嚟到油麻地介紹一間專做川菜嘅餐廳——川聚緣。呢間其實我過去都食過好多次，因為佢選擇多同埋價錢都非常吸引，所以當諗起想食辣時好多時都會過嚟。———————————————🌟烤海鱸魚 $258呢個烤海鱸魚真係不得了，泡椒口味夠辣夠惹味，唔係嗰種假辣，而係辣得嚟好香。魚肉新鮮細嫩，超大條魚好多肉，同埋唔多骨夠晒滿足。入面仲有薯仔同埋芽菜，薯仔吸晒魚湯同泡椒嘅香味，變得更加入味，芽菜脆口又清新，為整道菜增加咗口感同層次。🌟鐵板水晶粉鐵板水晶粉真係必試之選，幾乎每次嚟都會叫。底層鋪滿咗雞蛋，可以撈埋食。水晶粉口感煙韌，彈牙有嚼勁，吸收晒醬汁嘅精華，味道濃郁，而且辣味十足，真心惹味。🔸整體食評🔸每次都覺得呢度嘅川菜夠曬正宗，如果你本身鍾意食辣，咁呢間確實係值得推薦嘅川菜餐廳。