影片
更多
2017-05-01
669 瀏覽
住黃大仙咁耐, 每次食泰國菜最近都要去到九龍城, 經街坊介紹, 得知附近開左間泰國菜餐廳, 味道仲要唔錯。所以今晚就同妹妹去一試! 每次食泰國菜, 我都定必點冬蔭功, 而妹妹一向都中意打邊爐, 而正正我地見到Menu上有個冬蔭功湯底火鍋, 岩哂我倆, 所以意見一致, 絕對要ORDER!入夜時份, 店內未有太多食客。我地落左單後, 等左20分鐘先上台, 出菜時間比較慢...可算是慢功出細貨?!【冬蔭功湯底】特價HK$88; 正價HK$98湯底濃郁, 唔算好辣, 酸酸辣辣很開胃。而且都幾足料, 有好幾隻爽蝦。本身擔心打邊爐時個湯底細細煲唔夠打, 但原來只有個細油火興興下, 唔係明火滾個種, 所以湯底冇咁快蒸發哂。但因為細火關係, 所以等野食熟都等幾耐下.... 【自選火鍋配料 - 雜菜、肉、海鮮】特價HK$198; 正價HK$228呢個set夠二人份量, 包括有肥牛、豬頸肉、札肉、蠔、墨魚、雞蛋、丸類、粉絲、雜菜等等...肥牛幾新鮮, 色澤鮮紅。整個套餐有三分一都係蔬菜, 放入冬蔭功湯底, 索左冬蔭功既味道, 食菜都食得好惹味魚蛋同迷你豬肉丸好彈牙蝦好新鮮, 唯獨係兩隻生蠔, 入口好腥~我
每次食泰國菜, 我都定必點冬蔭功, 而妹妹一向都中意打邊爐, 而正正我地見到Menu上有個冬蔭功湯底火鍋, 岩哂我倆, 所以意見一致, 絕對要ORDER!
入夜時份, 店內未有太多食客。我地落左單後, 等左20分鐘先上台, 出菜時間比較慢...可算是慢功出細貨?!
【冬蔭功湯底】特價HK$88; 正價HK$98
冬蔭功湯底
$98
15 瀏覽
0 讚好
0 留言
湯底濃郁, 唔算好辣, 酸酸辣辣很開胃。而且都幾足料, 有好幾隻爽蝦。本身擔心打邊爐時個湯底細細煲唔夠打, 但原來只有個細油火興興下, 唔係明火滾個種, 所以湯底冇咁快蒸發哂。
但因為細火關係, 所以等野食熟都等幾耐下....
【自選火鍋配料 - 雜菜、肉、海鮮】特價HK$198; 正價HK$228
呢個set夠二人份量, 包括有肥牛、豬頸肉、札肉、蠔、墨魚、雞蛋、丸類、粉絲、雜菜等等...
肥牛幾新鮮, 色澤鮮紅。
整個套餐有三分一都係蔬菜, 放入冬蔭功湯底, 索左冬蔭功既味道, 食菜都食得好惹味
魚蛋同迷你豬肉丸好彈牙
蝦好新鮮, 唯獨係兩隻生蠔, 入口好腥~
我地仲額外加左半隻雞
【升級食材 - 走地雞半隻】HK$88
隻雞都幾新鮮, 色澤鮮嫩, 因為雞件切得好細件, 所以經冬蔭功湯底煮過後, 較易入味, 而且更意想不到既嫩滑, 正!!
我地食完都剛剛夠飽, 如果唔夠仲可以額外加多幾樣升級美食。至於價錢方面, 逢星期一至五都以特價為準, 星期六日都收返正價..
細細個火鍋, 適合2-4人一齊食, 另外呢度都有多款泰國美食, 賣相都唔錯, 難怪深受街坊歡迎~
張貼
