Bingle Bingle 空中列車烤肉

營業中

休息中

【深水埗區】【空中列車烤肉】我有個癖好，就係周圍搵嘢食嘅時候唔會淨係搵啲交通好方便呀，鐵路沿線大商場餐廳呀之類。個人覺得好有滿足感嘅事係捐窿捐罅之後喺啲山旮旯地方搵到啲自己啱食嘅嘢，而且仲可以透過呢度介紹畀讀者，爽到跌渣呀。我生命裡面都應該冇咩機會去碧海藍天嗰邊，偏偏有次唔知做咩事去咗嗰邊，仲見到有 AEON 同餐廳。之後有機會就自己再過去望吓，見到呢間韓式一人烤肉，就梗係入去食吓。坐低之後侍應好好，提我餐廳只係收電子支付。無問題就 QR Code 落單，叫咗 $88 嘅「西班牙豬五花拼黑毛豬肋條及特級雞爽肉套餐(150g)」，有兩款豬同一款雞，估唔到都幾好食，有驚喜。個餐仲有湯同前菜，我喺個白飯度加咗 $15 轉配「溫泉蛋紫菜飯」，幾好食。用 $28 叫咗碟「車輪泡菜五花豬肉卷60g」，係幾香豬味嘅。嘢飲我加 $12 飲「韓國海太果肉梨汁」，唔夠飲就飲埋 $20 嘅「熊津米漿飲」，兩款我都中意。食埋 $25 嘅「LAVELEE純乳酪雪糕杯」，好味，埋單 $188 係唔貴嘅。。。（地址：荔枝角深盛路8號碧海藍天AEON超級巿場地下L002號舖）#1amfoodie #foodie #h