影片
更多
2023-05-06
1178 瀏覽
【深水埗區】【珍記大廚小食】之前寫過一間喺附近告咗急嘅黃店，收到一位朋友嘅留言，介紹返嗰度附近嘅嘢食。呢啲意見真係好重要，因為我都冇可能了解到每一度有啲咩嘢食，尤其係好嘢。實情我都幾中意咁樣捐窿捐罅搵食，好過只食潮流嘢。如果唔係有人講，我可能一世都唔會有機會搵到呢間嘢嚟食，所以都希望大家明白同理解點解咁重視大家嘅意見。我就唔係咁叻去搵啲平民美食，主要都係靠大家口耳相傳，因此，當我聽到有呢啲嘢食嘅時候，我幾乎即刻去。呢位朋友介紹嘅係「避風塘酥脆魷魚鬚」，佢話好食喎，咁我第一次去就當然唔會介意花 $28 去試。佢畀我嘅時候係用一個感覺幾保溫嘅錫紙袋入住啲嘢食，好似就算攞遠啲食都幾保到質素咁。食落都幾惹味，份量就唔算多。我覺得佢個避風塘嘢都幾正，夠晒味，不過食太多的話就會好似有啲鹹，如果買嚟加餸可能都會好正。第二次去我就食其他嘢，叫咗個「營多撈麵」，單拼「燒賣」價錢係 $12，味道都幾平庸，不過唔算貴就冇乜問題。咁一個撈麵當然唔夠我食，之前買嘢嗰陣聽到人哋叫兩隻「生炸雞髀」，搞到我又好似幾好奇，今次嚟到就忍唔住用 $20 叫隻試吓。佢又真係炸得幾好，所以我都明白點解上次嗰個客會叫兩隻，係真係
如果唔係有人講，我可能一世都唔會有機會搵到呢間嘢嚟食，所以都希望大家明白同理解點解咁重視大家嘅意見。我就唔係咁叻去搵啲平民美食，主要都係靠大家口耳相傳，因此，當我聽到有呢啲嘢食嘅時候，我幾乎即刻去。
呢位朋友介紹嘅係「避風塘酥脆魷魚鬚」，佢話好食喎，咁我第一次去就當然唔會介意花 $28 去試。佢畀我嘅時候係用一個感覺幾保溫嘅錫紙袋入住啲嘢食，好似就算攞遠啲食都幾保到質素咁。食落都幾惹味，份量就唔算多。
我覺得佢個避風塘嘢都幾正，夠晒味，不過食太多的話就會好似有啲鹹，如果買嚟加餸可能都會好正。第二次去我就食其他嘢，叫咗個「營多撈麵」，單拼「燒賣」價錢係 $12，味道都幾平庸，不過唔算貴就冇乜問題。
咁一個撈麵當然唔夠我食，之前買嘢嗰陣聽到人哋叫兩隻「生炸雞髀」，搞到我又好似幾好奇，今次嚟到就忍唔住用 $20 叫隻試吓。佢又真係炸得幾好，所以我都明白點解上次嗰個客會叫兩隻，係真係唔差，我幾中意食。
佢好食個 point 係在於佢本身隻雞髀係幾好，夠晒雞味，肉質實淨又唔會太靭，平時出去食雞髀都幾少食到呢款，所以我都幾驚喜。再一次多謝上次留言嘅呢位朋友，介紹咗呢間唔錯嘅小食店畀我，我就幫幫手將佢傳揚出去啦。。。
（地址：石硤尾偉智里1-3號白田購物中心地下84號舖）
張貼
