泰媽媽雞飯 (新鴻基中心) (已結業)

灣仔返工嘅朋友留意‼️由泰藉主廚泰媽媽主理嘅泰媽媽雞飯喺灣仔開咗新分店，舖頭只有少量座位，主打外賣，啱晒返工lunch外賣嚟食，減少出去堂食啦。外賣包裝衛生，疫情之下都食得好放心👍🏻 醬汁仲好細心分開裝好。新店仲有限定嘅炭燒泰式多士，下次要再去試下😛————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⠀⠀⠀🐔海南雞飯 $70雞肉選用咗清遠走地雞，每朝九點鐘開始所以都幾新鮮，肉質嫩滑脂肪分佈比例平均，油飯選用泰國金香米，口感適中粒粒分明，配上特色泰式醬汁，開胃惹味😋🦐泰式鮮蝦炒金邊粉 $70金邊粉加咗花生碎、蝦皮同埋鮮蝦，蝦肉食落彈牙，比較少油少鹽，食落健康唔會太油膩，分量十足。 🥭芒果糯米飯 $55芒果糯米飯椰汁香濃，糯米飯夠黏口，但可能芒果啱啱過咗當造季節，食落未係話好甜。🍹青檸梳打 $10 青檸味突出，飲落又唔會太甜，夏天必點☀️💡味道：🌕🌕🌕🌗🌑⁣⁣⁣⁣⁣⠀💡環境：🌕🌕🌕🌗🌑⁣⁣⁣⁣⁣⁣⁣⠀⠀💡服務：🌕🌕🌕🌗🌑⁣⁣⁣⁣⁣⁣⁣💡性價比：🌕🌕🌕⁣⁣⁣⁣🌗🌑