樓下火鍋飯店

營業中

休息中

【灣仔區】【樓下火鍋飯店】約咗啲朋友喺銅鑼灣打邊爐，一行五人嚟咗呢間喺地庫嘅火鍋店。裝修得幾有老香港情懷，好似啲好舊嘅大牌檔咁，有 feel。開動之前享用咗 $15 位嘅「醬油」先，混吓醬。仲有 $40 兩碟嘅「餐前小食」，開吓胃都幾好。打邊爐，湯底好緊要，叫咗 $138 嘅「火焰花甲煲湯」，著住火咁煮夠過癮，食落亦都唔錯嘅。冇人唔食牛就整碟 $398 嘅大「極級本地手切肥牛」，係好食，又嫩又重牛味。跟住 $88 嘅「蟹籽墨魚滑」香口又彈牙，都唔錯呀。之後 $88 嘅「手打牛筋丸」係工夫之作，值得叫。到 $75 嘅「椒鹽雞軟骨」、$70 嘅「冰鎮鮑片」同 $58 嘅「椒鹽粟米」都係唔使淥即食嘅食物，水準都可以嘅。第二 round 嚟喇，碟 $338 嘅大「頂級安格斯牛頸脊」都幾好。我至愛係 $90 嘅「新鮮肥鵝腸」，一個字：正。而 $88 嘅「黑柏葉」同 $65 嘅一「花枝片」都好食嘅，炸物就叫咗 $60 嘅「紫菜炸響鈴」同 $52 嘅「炸芋頭」，今次呢啲都係放湯食都得嘅，可以話係多一重享受，幾好呀。嘢飲方面，由於有我呢個嘢飲怪喺度，所以叫咗三渣嘢，分別係各 $68 嘅「百香果檸檬七喜