漢和韓國料理

營業中

休息中

【灣仔區】【漢和韓國料理】今日本身出第二樣嘢，但臨時有啲問題所以冇得出，講緊呢個時間已經係五點，唉，咁真係冇辦法，即刻掹返一餐出嚟寫。好彩我本身都有啲用餐體驗未寫，所以即搵都唔算話好難，就搵呢餐同朋友嚟食漢和嚟講吓。唔知大家仲記唔記得有一晚我出咗個 story 講呢啲任食韓燒，我仲拎咗另一間嚟畀大家做選擇，都幾多人玩個投票，証明大家對佢哋印象都好深刻。又咁講，今次上到去都冇乜點變，都係嗰啲嘢食任攞，幾十年不變，餐單如下：茄子豬大腸辣雞翼洋蔥圈魚柳雞翼火腿片五花腩雞肉日本南瓜美國肥牛西冷牛扒雞肉腸牛脷牛肋骨肉紅布腸辣魷魚鬚牛肉鮮冬菰八爪魚仔辣豬肉雞腿菰辣鮮魷豬扒芝士腸火雞腎豬脷玉米筍羊肉金菰菜唔止呢啲嘢，其實仲有啲前菜、飲品同甜品，同埋幾廿年都唔明點解會有嘅薑醋。吖，差啲唔記得講仲有壽司同三文魚刺身，呢樣都係經典嘢嚟。味道上其實都真係冇咩好講，可以話係十年如一日，一個吊韓燒癮嘅廉價選擇。咁我特登出一個 post，都搵返一樣嘢嚟講吓，我想講嘅係豆腐花。雖然係免費任食，但我想講佢一啲都唔失禮，有豆味而且都幾綿滑。價錢方面，晚市成人兩位 $513，每人 $256.5，以星期日晚老銅食嘢嚟講，我