影片
更多
2022-06-08
1440 瀏覽
返工返得太辛苦要食餐好嘅慰勞下自己，決定是日食泰菜都要食齊魚🐟蝦🦐蟹🦀，仲有去東南亞必食嘅榴槤！🌖秘汁脆皮燒白鱔 $136 ($68/1串）白鱔表皮香脆，肉嫩肥美，唔會燒得太十十。新鮮即燒，上枱熱辣辣🔥！店員提醒唔好掂到鐵簽，好貼心呀❤️。🌗圍威喂！泰式脹卜卜蟹肉奄列 $128蟹肉企理，完全無蟹殻夾雜其中，奄列入邊除咗有蟹肉之外，仲有四季豆粒增加口感。相比泰國🇹🇭奪得米芝蓮一⭐️Jay Fai 癦姐嘅蟹肉奄列，圍威喂嘅蟹肉份量一定唔夠澎湃（因為價錢都相差好遠），但勝在較為清爽無咁油膩，一個人食都唔會好大負擔（我仲記得自己一個係泰國食唔曬，要打包一半返酒店🤨，凍左嘅海鮮真係無咁好食）。🌗雙色胡椒鹽炸虎蝦（4隻）$168表面嘅胡椒鹽香氣十足，但放入口實在太過搶喉，唔鍾意整污糟對手，用口剝殻嘅朋友要有心理準備；太辣🥵嘅關係我頂唔順用手剝殻，但胡椒味道會大大減低，實在好難決定究竟要用邊個方去剝殻🙈🙈。蝦肉爽口彈牙，容易剝殻，證明夠新鮮！洋蔥🧅青蔥芫荽等配料都唔可以放過，佢地與胡椒有最親密嘅接觸，蔬菜嘅甜味中又帶點胡椒嘅辣度，全部俾我清曬😅。餐牌話有四隻虎蝦🦐，但上到枱變咗六隻海蝦，雖然份量相若，但
秘汁脆皮燒白鱔
$68
18 瀏覽
0 讚好
0 留言
🌖秘汁脆皮燒白鱔 $136 ($68/1串）
白鱔表皮香脆，肉嫩肥美，唔會燒得太十十。新鮮即燒，上枱熱辣辣🔥！店員提醒唔好掂到鐵簽，好貼心呀❤️。
🌗圍威喂！泰式脹卜卜蟹肉奄列 $128
蟹肉企理，完全無蟹殻夾雜其中，奄列入邊除咗有蟹肉之外，仲有四季豆粒增加口感。
相比泰國🇹🇭奪得米芝蓮一⭐️Jay Fai 癦姐嘅蟹肉奄列，圍威喂嘅蟹肉份量一定唔夠澎湃（因為價錢都相差好遠），但勝在較為清爽無咁油膩，一個人食都唔會好大負擔（我仲記得自己一個係泰國食唔曬，要打包一半返酒店🤨，凍左嘅海鮮真係無咁好食）。
🌗雙色胡椒鹽炸虎蝦（4隻）$168
表面嘅胡椒鹽香氣十足，但放入口實在太過搶喉，唔鍾意整污糟對手，用口剝殻嘅朋友要有心理準備；太辣🥵嘅關係我頂唔順用手剝殻，但胡椒味道會大大減低，實在好難決定究竟要用邊個方去剝殻🙈🙈。蝦肉爽口彈牙，容易剝殻，證明夠新鮮！洋蔥🧅青蔥芫荽等配料都唔可以放過，佢地與胡椒有最親密嘅接觸，蔬菜嘅甜味中又帶點胡椒嘅辣度，全部俾我清曬😅。
餐牌話有四隻虎蝦🦐，但上到枱變咗六隻海蝦，雖然份量相若，但最好都係先通知客人會比較恰當。
怪奇榴槤奶奶沙冰、絕代雙莓果昔
$40
5 瀏覽
0 讚好
0 留言
🌖怪奇榴槤奶奶沙冰 $40、絕代雙莓果昔 $40
除咗茶飲店同酒吧之外，基本上飲品都係配角嚟，估你唔到圍威喂嘅飲品會係咁出色👍🏻！飲品雖然份量偏少，但真材實料，無人工或化學味道！
絕代雙驕果昔分別用左藍莓🫐同草莓🍓，啖啖都咬到果籽，有士多啤梨嘅清香，味道清新唔會太酸或太甜。
榴槤奶奶香滑無渣，榴槤之中又帶點椰奶🥥味，估唔到兩個會係咁match！好有衝動再叫多一杯慢慢嘆！榴槤控必點！
餐廳仲提供椰菜花飯，以及各款素菜例如金邊粉、冬蔭公、咖哩雞等，同食素/生酮飲食嘅朋友一齊黎都無有怕！
張貼
