影片
更多
2016-04-30
1243 瀏覽
少數被報道過的柴灣食肆。若要我強迫朋友千里迢迢跨區入柴灣食飯，暫時呢個係我發掘到唯一嘅誘因。位於漁灣邨街市熟食中心入面，夜晚其他檔口收檔後，差不多成層都係佢嘅枱，成層走一個大圈，成半個足球場咁大，非常有氣勢。$150一位，自助形式任飲任食不限時，學生長者仲有優惠，真係好有heart。現場見到有學生着住校服幫襯，仲切蛋糕慶祝生日，真係好青春。食物有近百款選擇，主打的海鮮，有冰鎮住，有三點蟹、麵包蟹、大大隻瀨尿蝦、蟶子、蝦、大蜆、扇貝、生蠔、魚...多不勝數、款式多變。有聞說過係街市賣剩貨式，但親身試過又覺得幾新鮮，而且客量同貨量都好多，邊有咁多賣剩貨呀？海鮮之外，肥牛有兩三款，有滑雞，內臟類也有不少，丸類十多種，蔬菜菇類新鮮款多，而且所有食品refill得好快，所有食物品質也很不錯。飲品啤酒醬料全包，支裝氣水好開心。最估佢唔到係有雪糕，仲要有雪糕筒，味道仲要比想像中好，好有日本放題feel。環境當然唔夠酒樓舒適，但就係鍾意佢嘅街坊feel, 無拘無束。員工雖然好忙，不斷出食品、收枱、運飲品，但全部笑容可掬，非常有禮，超級勤力，好香港精神。呢度用石油氣爐，火力好夠，係個煲細咗少少，多人真係
$150
148 瀏覽
0 讚好
0 留言
$150一位，自助形式任飲任食不限時，學生長者仲有優惠，真係好有heart。現場見到有學生着住校服幫襯，仲切蛋糕慶祝生日，真係好青春。
食物有近百款選擇，主打的海鮮，有冰鎮住，有三點蟹、麵包蟹、大大隻瀨尿蝦、蟶子、蝦、大蜆、扇貝、生蠔、魚...多不勝數、款式多變。有聞說過係街市賣剩貨式，但親身試過又覺得幾新鮮，而且客量同貨量都好多，邊有咁多賣剩貨呀？
海鮮之外，肥牛有兩三款，有滑雞，內臟類也有不少，丸類十多種，蔬菜菇類新鮮款多，而且所有食品refill得好快，所有食物品質也很不錯。
飲品啤酒醬料全包，支裝氣水好開心。最估佢唔到係有雪糕，仲要有雪糕筒，味道仲要比想像中好，好有日本放題feel。
環境當然唔夠酒樓舒適，但就係鍾意佢嘅街坊feel, 無拘無束。
員工雖然好忙，不斷出食品、收枱、運飲品，但全部笑容可掬，非常有禮，超級勤力，好香港精神。
呢度用石油氣爐，火力好夠，係個煲細咗少少，多人真係唔多夠位放食物，因為佢有啲海鮮都幾大件。建議大家不要叫鴛鴦鍋，因為中間條界有啲矮，好易過界，每次加到好少湯，減慢咗食嘅速度。
張貼
