影片
更多
2020-06-20
342 瀏覽
黑布小巷嘅芋圓絕對係我嘅NO.1之選！！！由佢啱啱開張就開始食，一開頭見佢喺街邊，環境又唔太好，都冇乜期望，但食物真係超乎我預期咁好食！已經食第三次仲推介咗畀唔少朋友嚟食！第一次嚟食係11月，當時佢新開冇幾耐，我都係朋友介紹先嚟食。一試佢嘅芋圓，真係驚為天人好耐冇食過咁真材實料，口感又煙韌嘅芋圓！！！最鍾意佢嘅芋頭味，芋頭味真係好香濃！！！老闆娘真係好nice💛（又靚女，把聲仲好好聽😆）仲走嚟問我哋意見，我哋都有反映紫薯味有少少甜，同埋芋圓份量有啲少，但個糖水底就清咗少少老闆娘仲話佢哋啲芋圓都係手工自己搓，每日整到凌晨四點先走人🥺咁有心嘅小店點可以唔支持！然後十二月又走嚟食多咗次，好開心老闆娘真係會聽人意見，張相都見到糖水底濃咗好多，但又唔會太甜，清清哋又恰到好處💕而芋圓都係好煙韌彈牙！第三次嚟食，試埋佢個花枝丸，落咗佢個麻辣鬼椒粉，真係辣到黐線🤣第一次知道辣到噴火係咩感覺🥵平時都食得辣，但呢個真係食咗一啖就食唔落去，要冷靜5分鐘先😂辣到嘴唇都腫晒，成個口腔有火喺度燒咁制，即刻飲啖糖水下火先😂慢慢冷靜咗再食就冇咁辣，開始食到花枝丸嘅鮮甜味，入面唔會好乾身，仲有粒粒墨魚，非常鮮甜，真材實
由佢啱啱開張就開始食，一開頭見佢喺街邊，環境又唔太好，都冇乜期望，但食物真係超乎我預期咁好食！已經食第三次仲推介咗畀唔少朋友嚟食！
第一次嚟食係11月，當時佢新開冇幾耐，我都係朋友介紹先嚟食。一試佢嘅芋圓，真係驚為天人好耐冇食過咁真材實料，口感又煙韌嘅芋圓！！！最鍾意佢嘅芋頭味，芋頭味真係好香濃！！！
老闆娘真係好nice💛（又靚女，把聲仲好好聽😆）仲走嚟問我哋意見，我哋都有反映紫薯味有少少甜，同埋芋圓份量有啲少，但個糖水底就清咗少少
老闆娘仲話佢哋啲芋圓都係手工自己搓，每日整到凌晨四點先走人🥺咁有心嘅小店點可以唔支持！
然後十二月又走嚟食多咗次，好開心老闆娘真係會聽人意見，張相都見到糖水底濃咗好多，但又唔會太甜，清清哋又恰到好處💕而芋圓都係好煙韌彈牙！
花枝丸
11 瀏覽
0 讚好
0 留言
平時都食得辣，但呢個真係食咗一啖就食唔落去，要冷靜5分鐘先😂辣到嘴唇都腫晒，成個口腔有火喺度燒咁制，即刻飲啖糖水下火先😂
慢慢冷靜咗再食就冇咁辣，開始食到花枝丸嘅鮮甜味，入面唔會好乾身，仲有粒粒墨魚，非常鮮甜，真材實料！
建議各位唔太食得辣嘅，記得叫佢落少少粉就夠🤣
其他朋友聽咗我推介都有去食，仲話佢個肉蛋吐司真係好正🤤搵日一定要試吓！
btw佢雖然喺街邊，真係小巷邊，但都唔會烏糟，成日夜晚去食，都唔會見到有小強老鼠，如果大家唔放心都可以外賣㗎～
張貼
