麵館皇

營業中

休息中

是日Lunch去到登龍街，又唔係好想食日本拉麵，所以去咗食藥膳麵嘅鋪頭，都唔算特別多人排，等咗幾分鐘就入得。入邊都比較逼，好多位都用一塊板隔開。  坐低叫咗辣口水雞罐湯拉麵，好快就上菜，係熱到出哂煙！麵同餸係分開上。 「麻辣口水雞罐湯拉麵」 米白色半透明湯底貌似淡而無味，聞落好重藥膳味，而且食落都有，不過比想像中淡。雞肉嫩滑，皮下脂肪少。雖然就話麻辣（隻辣汁真心覺幾辣），但辣唔辣係有得揀，因為有爽口嘅青瓜做分隔，麻辣汁喺最底，所以唔掂到啲辣汁，你就可以食到唔辣嘅雞。  總結，手工拉麵幾好，唔洗轉其他麵都可以。 尤其係冬天，食吓啲藥膳嘢都係唔錯嘅選擇。