影片
更多
2016-03-15
173 瀏覽
每次和一班朋友想圍威喂食個飯緊係揀打邊爐！剛好有澳洲返黎既朋友話好想打邊爐，一齊食夠哂熱鬧啦～雞煲其實又唔洗跑入元朗食既，話哂大家都唔係住果頭今次聽朋友推介黎佐敦既【一哥私房菜】先送上雞煲一煲！可以揀BB 辣、小辣、中辣和大辣我地其實唔多食得辣，所以只叫左BB辣，發覺仲可以接受辣D職員就拎多小小醬料混合，辣味可自己調較，香味同辣味剛剛好食落有小小麻，要立即飲啖自家製的菊花茶降降個麻味，非常健康因為超小甜（笑）仲可以任嗌野飲，一般既汽水、啤酒都有提供～重點是…雞煲既雞係任食/無限添加！可以揀半隻雞／一隻雞相信大家唔係大胃王，食住一round等打邊爐先嫁啦～ 跟住就上盤「泰式蝦刺身」，喂喂喂 明明打邊爐仲有生蝦食既！好過份呀～～因為我同朋友都非常鐘意食生蝦嫁！每人起碼啪左3-4隻！Encore一碟係HK$68，我地總共叫左2碟～ 食左咁耐都未出個邊爐既？一上呢盤野就知黎緊就可以烚下烚下啦～ 「海鮮拼盤」係for打邊爐，唔係刺身黎嫁！入面有巨型帶子（最頂）、鮑魚、花甲皇、蟶子皇、龍躉片、大大隻海蝦。朋友話上次黎都唔係呢個組合，細問之下先知個拼盤係冇set死係佢地每日去街市買當日最新鮮既海鮮返
每次和一班朋友想圍威喂食個飯緊係揀打邊爐！
剛好有澳洲返黎既朋友話好想打邊爐，一齊食夠哂熱鬧啦～
雞煲其實又唔洗跑入元朗食既，話哂大家都唔係住果頭
今次聽朋友推介黎佐敦既【一哥私房菜】
先送上雞煲一煲！可以揀BB 辣、小辣、中辣和大辣我地其實唔多食得辣，所以只叫左BB辣，發覺仲可以接受辣D
職員就拎多小小醬料混合，辣味可自己調較，香味同辣味剛剛好
食落有小小麻，要立即飲啖自家製的菊花茶降降個麻味，非常健康因為超小甜（笑）
仲可以任嗌野飲，一般既汽水、啤酒都有提供～
重點是…雞煲既雞係任食/無限添加！可以揀半隻雞／一隻雞相信大家唔係大胃王，食住一round等打邊爐先嫁啦～
跟住就上盤「泰式蝦刺身」，喂喂喂 明明打邊爐仲有生蝦食既！
好過份呀～～因為我同朋友都非常鐘意食生蝦嫁！每人起碼啪左3-4隻！
Encore一碟係HK$68，我地總共叫左2碟～
食左咁耐都未出個邊爐既？一上呢盤野就知黎緊就可以烚下烚下啦～
「海鮮拼盤」係for打邊爐，唔係刺身黎嫁！
入面有巨型帶子（最頂）、鮑魚、花甲皇、蟶子皇、龍躉片、大大隻海蝦。
朋友話上次黎都唔係呢個組合，細問之下先知個拼盤係冇set死
係佢地每日去街市買當日最新鮮既海鮮返黎，所以每日都有小小唔同
但佢地make sure一定會有8-11樣既海鮮
「鮮茄花甲野菌蟹鍋」其實我幾鐘意清清地既湯底，屋企大多以栗米、羅白、蕃茄做個湯底，個湯唔會咁快混濁嘛！
當然唔少得我最愛既牛肉！肥牛係好味，但佢個肥的確會令人好快膩一哥用既牛係手切本地牛頸脊，食落有咬口之餘又唔會覺得好肥
就咁望d肉既紋理已經好均衡，而且牛肉味濃，愛牛人士必定再追加！
雖然呢到係任食，但某d食材追加都要再俾錢，
好似呢碟牛咁＄38一碟，其實都抵既！最多都係食3-4碟左右都合理
丸類（墨丸、牛丸等）餃類（水餃、雲吞）都幾好食
唔會因為係任食而拎d質素麻麻既出黎，算你有良心啦！
終於拎到隻蟹鉗出黎食，原來都幾大隻！仲啖啖肉tim
不得不讚，炸物係必點！因為炸魚皮非常香脆而且冇腥味響鈴都好正～我都知呢d比較油，
不過一浸落湯一秒就拎上黎立即放入口果種感覺係冇野可取代到的！
龍躉片一定要試！因為又快熟又彈牙，點埋豉油非常正
鮑魚新鮮，大細剛好，而且熟度岩岩好所以唔會太韌
房間都列明價錢和任食的種類，記緊食得晒先好嗌，千萬不要做大哂鬼老實說，$258+10%食到這樣的質素已經非常划算，而且有私人房間和獨立廁所
就算一班人傾得好大聲都唔會嘈到人，由於房間唔多，所以要預先打去訂台呀！
媽咪睇完d食物相之後，已經約佢既朋友去試啦～睇黎打邊爐係聚會既首選！
一哥私房菜
刺身+雞煲+蟹鍋打邊爐+海鮮套餐
星期一至四、日 $258/位 (兩位起)
星期五、六及假期前夕 $268/位 (兩位起)
醬油 $10/位
前菜每碟 $20
*設加一服務費
張貼
