影片
更多
2023-07-10
148 瀏覽
之前都有留意過呢間野，見佢都特別有好多貴價鮑魚龍蝦麵，屋企人食過都話唔錯，今次同男朋友食就先叫咗相對冇咁貴嘅試，下次再試佢哋最特色嘅佛跳牆。———————————————🌟紅燒牛肉麵 $78牛肉以燉煮方式整﹐煮得非常腍，入面仲有紅蘿蔔同小棠菜，平時好似應該係西蘭花，今日咁啱冇就轉咗。湯底都濃郁同辣度唔會太重，怕辣嘅朋友仔都可以叫。另外佢個刀削麵個人係幾鍾意，會有少少煙韌都幾有咬口。.🌟胡椒豬肚雞麵 $56個湯底係特別出色，胡椒味濃我男朋友成個湯都幾乎飲曬🤣我自己反而覺得最出色係個雞，佢係有啲薄雞塊係入面，雞塊顏色係有少少粉嫩果種，食落都好滑好好食。麵方面就選擇咗幼麵，唔係平時車仔麵果度，反而係白色有少少似米粉嘅感覺，食落會相對腍身。.🌟爆汁小籠包(3隻) $28每隻都唔會蒸得太熟，一咬落去都好多汁，點埋黑醋食一流，$28比酒樓更好食，真心抵叫👍🏻.🌟川味泡椒雞腳 $38平時都鍾意食包裝果種泡椒雞腳，呢度嘅泡椒雞腳會比較大隻，不過味道冇平時食嘅酸，辣度就夠曬，愈食愈過癮。.🌟自家製特飲 $30佢台上有個牌仔寫住今日特飲係羅漢果燉雪梨水，諗諗下呢排都熱氣就叫咗枝試，羅漢果味相對比較濃，甜度
之前都有留意過呢間野，見佢都特別有好多貴價鮑魚龍蝦麵，屋企人食過都話唔錯，今次同男朋友食就先叫咗相對冇咁貴嘅試，下次再試佢哋最特色嘅佛跳牆。
———————————————
🌟紅燒牛肉麵 $78
牛肉以燉煮方式整﹐煮得非常腍，入面仲有紅蘿蔔同小棠菜，平時好似應該係西蘭花，今日咁啱冇就轉咗。湯底都濃郁同辣度唔會太重，怕辣嘅朋友仔都可以叫。另外佢個刀削麵個人係幾鍾意，會有少少煙韌都幾有咬口。
.
🌟胡椒豬肚雞麵 $56
個湯底係特別出色，胡椒味濃我男朋友成個湯都幾乎飲曬🤣我自己反而覺得最出色係個雞，佢係有啲薄雞塊係入面，雞塊顏色係有少少粉嫩果種，食落都好滑好好食。麵方面就選擇咗幼麵，唔係平時車仔麵果度，反而係白色有少少似米粉嘅感覺，食落會相對腍身。
.
🌟爆汁小籠包(3隻) $28
每隻都唔會蒸得太熟，一咬落去都好多汁，點埋黑醋食一流，$28比酒樓更好食，真心抵叫👍🏻
.
🌟川味泡椒雞腳 $38
平時都鍾意食包裝果種泡椒雞腳，呢度嘅泡椒雞腳會比較大隻，不過味道冇平時食嘅酸，辣度就夠曬，愈食愈過癮。
.
🌟自家製特飲 $30
佢台上有個牌仔寫住今日特飲係羅漢果燉雪梨水，諗諗下呢排都熱氣就叫咗枝試，羅漢果味相對比較濃，甜度適中，入面仲有兩大舊雪梨肉，都係唔錯嘅飲品之選👍🏻
張貼
