曲奇四重奏 (人和悅大廈)

營業中

休息中

蝴蝶酥就食得多，曲奇四重奏早前出咗款新酥餅，以招牌酥皮製成花卉之形，喻意花開富貴、迎春接福，鐘意食甜店當然要試吓😆 曲奇四重奏嘅包裝一向都唔錯，而且一直以蝴蝶酥為主力賣點，今次終於都出新品，新款酥餅外形亦比起一般蝴蝶酥更特別。每盒花漾酥點有兩層，每層9片，總數18片。✨Flower Pastry 花漾酥點 $208酥皮同蝴蝶酥一樣出色，烤焗程度合適，表皮唔會太燶亦唔會太淺色👍🏻 甜度剛剛好，入口鬆脆，面層會有一小片金箔，令觀感提升不小，但只係上層嘅9片有，下層係冇嘅，感覺有啲吝嗇😂🔍整體感覺：禮盒包裝同酥餅外表都做得好靚，樣子加哂分。至於味道同口感亦都保持到一貫水準😋 唯一美中不足嘅就係金箔，哩樣真係扣咗分，明明樣子做得咁靚，嗰一小片金箔都唔係每片有，真係感覺唔夠大氣。