影片
更多
2023-04-13
42 瀏覽
之前認識嘅果間串里係食紙包雞，點知今次過嚟已經搖身一變變咗一間居酒屋，入面嘅裝修亦都好日系，有少少日式和室風格咁，牆上仲有唔同嘅裝飾同圖案可以比大家打卡。———————————————🌟時令生蠔 $15我本人食生蠔其實唔係好鍾意食好大隻果種，太大隻有時會覺得腥味太重難以入口，但串里嘅呢個生蠔大細對我嚟講真係啱啱好，基本上係成啖放入口就超滿足，食落一啲都唔腥而且仲非常鮮甜，最重要嘅係只需要$15就已經可以有一隻，平時自己買返嚟親手開嘅都唔只，真係抵食到爆👍🏻.🌟木板海膽 $88呢度一板海膽淨係需要$88，老實講本身$88板我都唔會期望話要好多或者要好大隻，所以份量上我覺得都同價錢相符，用紫菜包我哋大約包咗8小卷左右。但味道方面我認為係完全比期望值高，之前試過出面自己買幾百蚊都係苦嘅，但今次呢板基本上成板都係好鮮甜，全部都入口即溶。.🌟特長燒饅魚壽司 $30呢個特長燒饅魚壽司第一眼睇我係覺得有少少失望，純粹係覺得佢個樣冇我想像中大份🤣不過其實食落都大份，我自己本身都影得唔好令到佢好似好幼咁，但其實真係食就會發現佢係有少少內卷咗，真係可以食到啖啖肉，鍾意食饅魚真係必叫！.🌟雜錦魚生丼 $97
之前認識嘅果間串里係食紙包雞，點知今次過嚟已經搖身一變變咗一間居酒屋，入面嘅裝修亦都好日系，有少少日式和室風格咁，牆上仲有唔同嘅裝飾同圖案可以比大家打卡。
———————————————
🌟時令生蠔 $15
我本人食生蠔其實唔係好鍾意食好大隻果種，太大隻有時會覺得腥味太重難以入口，但串里嘅呢個生蠔大細對我嚟講真係啱啱好，基本上係成啖放入口就超滿足，食落一啲都唔腥而且仲非常鮮甜，最重要嘅係只需要$15就已經可以有一隻，平時自己買返嚟親手開嘅都唔只，真係抵食到爆👍🏻
.
🌟木板海膽 $88
呢度一板海膽淨係需要$88，老實講本身$88板我都唔會期望話要好多或者要好大隻，所以份量上我覺得都同價錢相符，用紫菜包我哋大約包咗8小卷左右。但味道方面我認為係完全比期望值高，之前試過出面自己買幾百蚊都係苦嘅，但今次呢板基本上成板都係好鮮甜，全部都入口即溶。
.
🌟特長燒饅魚壽司 $30
呢個特長燒饅魚壽司第一眼睇我係覺得有少少失望，純粹係覺得佢個樣冇我想像中大份🤣不過其實食落都大份，我自己本身都影得唔好令到佢好似好幼咁，但其實真係食就會發現佢係有少少內卷咗，真係可以食到啖啖肉，鍾意食饅魚真係必叫！
.
🌟雜錦魚生丼 $97
成個魚生丼一共有8個餸，而且仲配送一碗麵豉湯。大部份魚生食落都唔錯，刺身唔算話係好厚切但同價錢比都係屬於性價比高。特別我想講嘅係佢果個飯底，有少少紫蘇葉香味，食落好特別有少少似平時出面特製嘅壽司咁，我個人係幾鍾意呢種味道的。
.
🌟雞軟骨串 $32
我見佢本身其實有好多串燒，不過因為已經叫得太多野食所以串燒淨係叫咗一種，$32/2串價錢都唔貴，而且睇返份量其實其實比出面嘅串燒多少少，而且燒得好唔錯食落非常香脆👍🏻
.
🔸整體評價🔸
基本上成個餐牌都唔貴，居酒屋嚟講物超所值。下次再去我會試下叫燒蟹殼，睇落好似唔錯仲有少少日本磯丸水產嘅感覺，令我都已經開始期望二訪時又可以試更多性價比高美食🫶🏻
張貼
