達成茶餐廳

營業中

休息中

【葵青區】【達成餐廳】嚟到葵芳，大家多數都傾向去葵廣、新都會食嘢，但係我有時都想探索吓佢附近嘅其他食肆。睇返原來自己都已經食過附近好多間嘢，哈哈，再講落去就好似冇乜說服力咁。不過嗰時未咁多人睇我，等我耍吓賴皮先。不過其實我都行咗一輪先決定到食乜，有堆嘢好似好正咁但又食唔正我想要嘅嘢，眾所周知我都係一條死港女嚟，諗極都決定唔到食乜好。好彩我只係自己一個人，唔會「議而不決，決而不行」先，做人不要太港鐵新動力嘛。見到呢間茶記好有啲運輸送貨大叔食個快飯 feel，我就知我食乜喇。曾經有某婊版嘅人評擊我係「茶餐廳 Foodie」，首先佢哋係自動 skip 咗大量非茶記文章，其次就係我食茶記又點，你想睇啲矯揉造作港女嘢，市面上大把吖。無謂喺啲 no name 嘅人類度糾纏太耐，講吓我見到呢間嘢嗰吓，我心裡面讀一次餐廳名啦。第一時間諗起達明一派個 friend「撻成一塊」，佢首《壽頭記》到今日依然好正，呢啲就係代表到香港人嘅創意，未睇過可以睇吓。嘩第五段嗱，正經啲，入到去叫咗個「常餐」，揀咗「鮮牛肉」、「煎蛋」、「米粉」合作，襯件「牛油多士」同杯「熱奶茶」，味道真係好平庸，反而件多士堅脆堅香口，同埋