影片
更多
2024-05-12
111 瀏覽
今日去開港島食完飯就嚟咗西營盤嘅一間甜品店——糖痴豆 @sweetiesdesserthk 入面空間唔算好大，以美式復古嘅裝修為主，後嚟喺店員口中得知，佢哋都開咗十幾年，主要都係服務學生同街坊。主打手工甜品，例如心太軟、每日手工搓嘅撻皮、即製薄pancake等⋯係間有心做好食物嘅舖頭➡️芒痴痴 $54🥭 顧名思義就係一個好芒果嘅甜品，特別在加入多種唔同口感嘅配料，包括珍珠、海藻珠、椰果，集煙韌、爽口於一身。小編鍾意食珍珠，所以食得好爽。🤣味道上係比較甜嘅芒果味。 味道：7.5/10 ➡️脆焦糖班戟 $43🍮 據店員講都係比較受歡迎嘅品項，因為佢哋嘅班戟係自家即製，比較薄身，食落輕微蛋香，入面包雲呢嗱雪糕，本身以為冇乜特別。🙈但加埋啲焦糖醬同焦糖脆脆，苦中帶甜，層次即刻提升咗，好滿足。☺️ 味道：8/10 ➡️店三寶 $70 ☘️ 呢個係熱食拼盤，結合咗佢哋嘅招牌，包括心太軟、Apple crumble撻 、芒果吉士撻。先試心太軟，蛋糕同醬嘅比例啱啱好，記得要親熱食，小編遲咗食，朱古力醬已經「瓊」咗，未算好流心。😓味道上朱古力味好濃郁，唔會太甜，少少苦味帶堅果香，果然係招牌。😌🫶🏻 A
➡️芒痴痴 $54🥭
顧名思義就係一個好芒果嘅甜品，特別在加入多種唔同口感嘅配料，包括珍珠、海藻珠、椰果，集煙韌、爽口於一身。小編鍾意食珍珠，所以食得好爽。🤣味道上係比較甜嘅芒果味。
味道：7.5/10
➡️脆焦糖班戟 $43🍮
據店員講都係比較受歡迎嘅品項，因為佢哋嘅班戟係自家即製，比較薄身，食落輕微蛋香，入面包雲呢嗱雪糕，本身以為冇乜特別。🙈但加埋啲焦糖醬同焦糖脆脆，苦中帶甜，層次即刻提升咗，好滿足。☺️
味道：8/10
➡️店三寶 $70 ☘️
呢個係熱食拼盤，結合咗佢哋嘅招牌，包括心太軟、Apple crumble撻 、芒果吉士撻。先試心太軟，蛋糕同醬嘅比例啱啱好，記得要親熱食，小編遲咗食，朱古力醬已經「瓊」咗，未算好流心。😓味道上朱古力味好濃郁，唔會太甜，少少苦味帶堅果香，果然係招牌。😌🫶🏻 Apple crumble撻嘅撻皮係店家每日搓成，牛油味幾香，質感鬆脆。蘋果酸酸甜甜，肉桂味唔會太重，係香港人會接受到同鍾意嘅味道。（不過小編唔介意重肉桂😌）芒果吉士就唔算太特別，係典型、想像到嘅味道～
味道：8/10
整體嚟講，小編覺得呢間小店係有心做好食物，服務亦好好，好有人情味！🥹奈何店員同我哋講近排移民潮，北上潮，人流少咗好多，小編希望呢啲咁有心、咁有人情味嘅舖頭可以繼續撐落去。😉
服務：8/10
環境：7.5/10
張貼
