鴻圖34

營業中

休息中

是次我同朋友兩個女仔係觀塘覓食，係openrice無靈感，係鴻圖道行下睇下隨機搵一間食下。我地兩個都可以幾麻甩，發現呢間佬味好重嘅茶餐廳，即刻衝入去。簡單嘅裝修，個個位都係小梳化或梳化位。雖然係星期五，但都好多人黎食。睇到隔離位食星洲炒米，突然出番哂以前返part time窮食嘅日子，好想食番呢種感覺（當然我係好鍾意食星洲炒米啦）。好夠火喉，炒得好好味，好均勻，係呢個口感，每啖都好豐富！朋友就叫咗燒味，叉燒同腩仔飯。好夠汁，肉都唔錯。同事好少食咁佬味嘅嘢，我都係偶然同朋友鼠出食，滿足內心小小佬味嘅心。