影片
更多
2023-12-18
109 瀏覽
平時好少過嚟跑馬地，今次有咁岩係附近工作完就搵咗間餐廳食。呢間居酒屋食完之後真係覺得好出色，食物非常新鮮一定要同大家推薦。———————————————🌟串燒串燒其實有好多款，我就叫咗鹽燒雞翼($38)、雞腎($28)、雞軟骨($28)、厚燒牛舌($68)同細蔥牛肉卷($38)，全部都燒得鮮嫩多汁，肉汁鎖喺肉裡面，特別係雞腎同牛舌，每一啖都帶嚟濃郁嘅風味。另外都想推薦一下細蔥牛肉卷，平時好少見今次就係覺得特別又唔太貴就想試試😂細蔥非常嫩，清新嘅味道平衡返牛肉帶嚟嘅油膩感。.🌟北寄貝刺身 $98北寄貝超新鮮又仲好甜，師傅係即場開殼，先拍打咗一下確保北寄貝口感夠爽同彈牙先再進行切割，內臟經過過熱水處理，確保衛生食客見到有食得更放心，呢個真係超推薦！.🌟牛肉湯烏冬 $128牛肉味道濃郁，另外加有香蔥同海帶，湯底唔會太濃調味啱啱好，搭配彈牙嘅烏冬，每一啖都充滿滿足感。.🌟海鮮刺身沙律 $108呢份海鮮刺身沙律份量十足，點會諗到$108竟然可以咁大份🥹多款海鮮刺身如三文魚、魷魚等，搭配新鮮生菜，真心非常抵食。.🌟蔥吞拿魚腩蓉小卷呢份蔥吞拿魚腩蓉小卷份量十足，吞拿魚腩蓉搭配蔥味，兩者味道非常夾，食
平時好少過嚟跑馬地，今次有咁岩係附近工作完就搵咗間餐廳食。呢間居酒屋食完之後真係覺得好出色，食物非常新鮮一定要同大家推薦。
———————————————
🌟串燒
串燒其實有好多款，我就叫咗鹽燒雞翼($38)、雞腎($28)、雞軟骨($28)、厚燒牛舌($68)同細蔥牛肉卷($38)，全部都燒得鮮嫩多汁，肉汁鎖喺肉裡面，特別係雞腎同牛舌，每一啖都帶嚟濃郁嘅風味。另外都想推薦一下細蔥牛肉卷，平時好少見今次就係覺得特別又唔太貴就想試試😂細蔥非常嫩，清新嘅味道平衡返牛肉帶嚟嘅油膩感。
.
🌟北寄貝刺身 $98
北寄貝超新鮮又仲好甜，師傅係即場開殼，先拍打咗一下確保北寄貝口感夠爽同彈牙先再進行切割，內臟經過過熱水處理，確保衛生食客見到有食得更放心，呢個真係超推薦！
.
🌟牛肉湯烏冬 $128
牛肉味道濃郁，另外加有香蔥同海帶，湯底唔會太濃調味啱啱好，搭配彈牙嘅烏冬，每一啖都充滿滿足感。
.
🌟海鮮刺身沙律 $108
呢份海鮮刺身沙律份量十足，點會諗到$108竟然可以咁大份🥹多款海鮮刺身如三文魚、魷魚等，搭配新鮮生菜，真心非常抵食。
.
🌟蔥吞拿魚腩蓉小卷
呢份蔥吞拿魚腩蓉小卷份量十足，吞拿魚腩蓉搭配蔥味，兩者味道非常夾，食落令人非常回味。
.
🌟鵝肝多士 $65
入口即溶嘅鵝肝刺身搭配脆多士，味道香濃誘人，每一啖感覺都係極致享受。鵝肝仲要好肥美，兩人叫一份餐廳仲會幫你一分為二，可以享受分享嘅樂趣。
.
🔸整體評價🔸
整體都非常滿意，而且居酒屋嚟講價錢真係一啲都唔貴，加上服務同食物水準簡直就係超曬班，建議大家見客或者同另一半食都唔錯。另外我見門外都有啲小座位，帶狗仔嘅都可以坐外邊架～
張貼
