影片
更多
2022-11-07
306 瀏覽
今次𝐰𝐞𝐞𝐤𝐞𝐧𝐝 𝐝𝐢𝐧𝐧𝐞𝐫 𝐛𝐨𝐨𝐤咗呢間𝐨𝐦𝐚𝐤𝐚𝐬𝐞一個人享受一下𝐦𝐞 𝐭𝐢𝐦𝐞😚唔講唔知，原來之所以𝐝𝐢𝐧𝐧𝐞𝐫 𝐨𝐦𝐚𝐤𝐚𝐬𝐞比𝐥𝐮𝐧𝐜𝐡稍貴係因為飛機魚通常傍晚時份𝟓點幾到✈️要食到最新鮮嘅食材就係𝐝𝐢𝐧𝐧𝐞𝐫啦😚 ——— ✤ 木 𝐊𝐢 $𝟏𝟑𝟖𝟎 前菜𝟐點/刺身𝟓款/茶碗蒸/壽司𝟓貫/卷物/料理𝟏品/湯品/甜品 -✰ 前菜𝟑點 扇形和風碟上左至右擺上番茄果凍，味道酸甜、非常開胃； 水雲菜，脆幼海藻、冰涼清爽；豚肉白蘆筍卷，白蘆筍鮮甜無渣。 ✰ 季節刺身𝟓款 石蠔 ➤ 嚟自北海道厚岸町嘅石蠔口感𝐂𝐫𝐞𝐚𝐦𝐲、肉身厚肥、海水味較淡，蠔肉嘅甘甜鮮味突出🦪配合柚子酸汁更鮮味。鰤魚 ➤ 肉質甜美、脂膏豐腴，薄切兩片實在唔夠滿足！-粒貝 ➤ 配上青檸汁更為清新，口感爽口頗脆，味道係較為清嘅鮮甜味，海水味唔濃郁🐚秋刀魚 ➤ 肉質肥美，顏色紅潤帶血管，食落完全唔會腥，有種獨特甘甜嘅魚油芳香、豐腴肥美，配合店家薑蓉蔥花豉油更為鮮味🐟鮟鱇魚肝 ➤ 灑上柚子皮嘅魚肝口感綿密細滑，宛如鵝肝般🫢店家採用慢煮烹調手法更為入味、肉質更佳。✰ 茶碗蒸滑蛋入面之配搭為爽脆木耳、本人最討厭嘅銀杏🤣、意想不
———
✤ 木 𝐊𝐢 $𝟏𝟑𝟖𝟎
前菜𝟐點/刺身𝟓款/茶碗蒸/壽司𝟓貫/卷物/料理𝟏品/湯品/甜品
-
✰ 前菜𝟑點
扇形和風碟上左至右擺上番茄果凍，味道酸甜、非常開胃； 水雲菜，脆幼海藻、冰涼清爽；豚肉白蘆筍卷，白蘆筍鮮甜無渣。
✰ 季節刺身𝟓款
石蠔 ➤ 嚟自北海道厚岸町嘅石蠔口感𝐂𝐫𝐞𝐚𝐦𝐲、肉身厚肥、海水味較淡，蠔肉嘅甘甜鮮味突出🦪配合柚子酸汁更鮮味。
鰤魚 ➤ 肉質甜美、脂膏豐腴，薄切兩片實在唔夠滿足！
-
粒貝 ➤ 配上青檸汁更為清新，口感爽口頗脆，味道係較為清嘅鮮甜味，海水味唔濃郁🐚
秋刀魚 ➤ 肉質肥美，顏色紅潤帶血管，食落完全唔會腥，有種獨特甘甜嘅魚油芳香、豐腴肥美，配合店家薑蓉蔥花豉油更為鮮味🐟
鮟鱇魚肝 ➤ 灑上柚子皮嘅魚肝口感綿密細滑，宛如鵝肝般🫢店家採用慢煮烹調手法更為入味、肉質更佳。
✰ 茶碗蒸
滑蛋入面之配搭為爽脆木耳、本人最討厭嘅銀杏🤣、意想不到會有嘅煙韌燒年糕、海量小貝柱絲並以新鮮柚子皮調味。
-
✰ 壽司5貫
金目鯛 ➤ 師傅表示呢個作法為「霜燙」，先用熱水將魚燙過再浸入冰水中，以凝結其旨味🐟
中拖羅 ➤ 野生嘅中拖羅顏色粉紅、脂肪比例高，魚香持而恰到好處嘅魚油脂、甘香無比。中拖羅嘅肥瘦大約係赤身以及脂肪豐富嘅大拖羅之間，呢個𝐦𝐨𝐦𝐞𝐧𝐭食剛剛好🐟
馬糞海膽 ➤ 北海道根室市嘅馬糞海膽之色澤為橙黃色、濃厚甘甜，完全唔夠喉🥹
黑睦 ➤ 連皮微炙過嘅黑睦逼出不少魚油，口感香滑🔥
白蝦 ➤ 你以為呢度係一隻蝦🦐？其實係超級多隻蝦仔！嚟自富山灣嘅白蝦體色透明，已去除蝦頭及蝦殼，晶瑩剔透、肉質彈牙、鮮甜滋味、口感既彈牙又細綿，有驚喜！
✰ 卷物 +$𝟕𝟎
中拖羅蓉係師傅人手剁同埋挑筋，口感順滑、油脂爆發，配合即刻切細加入嘅葱更為鮮味😋
✰ 料理𝟏品
第一次試目光魚天婦羅，實在少見，粉漿透薄、香脆可口有，魚肉肉質無比鮮嫩，儘管帶有細小魚骨，但絕對無影響口感。沾取店家以櫻花蝦熬製三日嘅秘制醬汁🦐，更為鮮甜。
✰ 湯品
差不多尾聲嘅時候飲翻碗以𝟔斤臘魚熬製𝟔小時並加入甘筍、洋蔥、豆腐而成嘅海鮮濃湯，味道極其鮮甜，濃郁飄香🥕
-
✰ 甜品
甜品係不過不失嘅黑糖蕨餅，口感煙韌，帶點微甜黑糖味。
張貼
