洛奇冰室 (已結業)

🌖重量級洛奇特餐C $67港式快餐好似比較少賣辛辣麵，即管叫黎支持下～套餐除左有雞扒辛辣麵之外，仲有火腿奄列同牛角酥（由於貨源問題，今次由丹麥吐司🍞取代）；另外自己再加左吉列魚柳（另加$15）同特飲，加加埋埋叫左成九十蚊😮😮😮。煎香嘅雞扒無浸係湯麵之中，而係跟奄列吐司一齊上，咁就慢慢食都唔怕😬，吉列魚柳外脆內嫩唔油膩。辛辣麵竟然附有芝士片🧀！驚喜！辛辣麵比自己煮嘅辣，明明佢個湯仲稀過、淡色過我自己煮嘅湯，睇黎我要鑽研下煮法先得！🌗自選歐陸飯餐 $76叫左煎蛋牛柳配蝦餅飯。港式餐廳有炸蝦餅已經算少見，仲要係跟牛柳太陽蛋黑椒汁，呢個組合相當新奇😆。牛排唔鞋亦無鬆肉粉味、蝦餅真材實料幾彈牙，不過黑椒汁味道較淡，無乜黑椒味。🌖西多士西多士之間塗滿厚薄均勻嘅花生醬，外層沾滿蛋醬呈金黃色，唔會有油膩嘅感覺。🌖雜果賓治 特飲跟餐+$9半杯都係什果，足料👍🏻。🌗棉花糖朱古力 特飲跟餐+$9面層舖滿白色細粒棉花糖，味道較甜。