반찬앤쿡 Banchan and Cook (屯門市廣場1期)

營業中

休息中

燉白肋骨蛋包飯🍖賣相吸引嘅燉白肋骨，肉質腍滑，加上醬汁特別惹味。蛋好香滑，用刀輕𠝹開，蛋漿滑啫啫，慢慢流出，非常吸引！海鮮煎蔥餅🌮煎餅厚身又香脆，鋪上香葱，餡料有八爪魚、蝦、青口等海鮮，口感好豐富。蜜糖無骨炸雞 🍗炸雞外皮金黃色，食落脆卜卜，雞肉嫩滑，配上蜜糖醬油好香甜又好食🤤，仲有薯條同年糕，份量好多添😍！韓式雜莓牛角包窩夫 🥐好靚又美味嘅甜品～韓式雜莓牛角包窩夫，為晚餐劃上完美句號。窩夫散發出香噴噴嘅牛油香味，口感酥脆，配搭雜莓🍓🫐同忌廉，感覺好fresh👍🏻！飲品：士多啤梨鮮奶咖啡咖啡味道香濃，帶鮮奶香滑口感，士多啤梨點綴得好靚呀！士多啤梨紅桑子梳打- 繽紛色彩，味道酸酸甜甜，味道清新。