吉列牛忌廉烏冬專門店 (百樂中心) (已結業)

【銅鑼灣 — 吉烈牛忌廉烏冬專門店】今日呀姐帶小弟食好西，就係位於銅鑼灣百樂中心22樓一間食吉列牛同忌廉烏冬嘅專門店。上到唔需要等就可直接入去，一場嚟到當然要試下佢哋嘅招牌菜！「吉列牛定食」成個set定食包含胡麻醬車厘茄、豆腐、麵豉湯、紫菜飯及吉列牛，同場亦會跟一個迷你石板爐比你去調教吉列牛嘅生熟度。約一成熟嘅吉列牛加薄薄一層麵包糠，你就可以跟自己喜好放落石板爐度燒，配上芥茉蛋黃醬或燒汁，都幾惹味。「忌廉雞肉烏冬」除咗吉列牛之外，第二款主打就係忌廉烏冬，上菜嘅時候見到鋪滿一層好厚嘅忌廉，賣相十分討好。雪白忌廉底下埋藏咖哩雞肉烏冬，無論味道還是口感都為你帶嚟一番新衝擊，因為實在太夾，忌廉增升整體幼滑口感，亦為咖喱添上份忌廉味道。「Kobekyu滋味單骨雞翼」呢款單骨雞翼有大量嘅調味粉係雞翼上邊，芝士味道偏甜，有一種似曾相識嘅感覺。總結，記得嗌「吉列牛定食」同埋「忌廉雞肉烏冬」。