影片
更多
2023-01-21
162 瀏覽
今日嚟到中環呢間好有本土特色嘅酒吧餐館，讀一讀餐廳個名，就知道佢地係一間幾有粗獷豪放特色嘅本地薑餐廳😆 餐館以舊式香港作為裝修主題，入到嚟見到有舊式通花鐵閘、霓虹燈、吊扇等嘅deco，餐具仲用咗公雞碗、紅筷子，呢啲咁有老香港味道嘅懷舊產物真係滿載集體回憶🥲 作為一間特色酒吧，呢到提供多款本地以及外國嘅手工啤酒，仲有唔少特色自創嘅cocktail，口味非常特別，酒鬼必訪🤩! 不過最吸引我嘅一定係佢地自創嘅fusion菜式，以港式口味作為靈感，再混合唔同嘅外地食材同埋烹調手法，成品非常創新有特色。➤ 24小時慢烤伊比利亞叉燒豬油撈飯 ($188)招牌菜式！半肥瘦嘅叉燒預先慢煮過，再喺表面搽上蜜汁燒到焦香，食落肉質軟腍，肥瘦均勻，咬落仲有肉汁，啖啖油脂香味。至於個飯底就仿效韓式拌飯嘅做法，將白飯同紅洋蔥漬、大豆芽、韓國紫菜等配菜撈勻，加埋豬油同埋日本溫泉蛋，飯粒食落粒粒分明，索晒蛋汁同埋豬油又甜又香，超正😗➤ 蔥燒龍膽石班魚柳漢堡包 ($158)用石斑整嘅burger大家又食過未呢🤔 石斑魚柳食落魚味濃郁，而且肉質厚嫩彈牙，配埋飛魚籽千島汁醬同埋泡菜沙律，味道清爽微酸幾開胃～ 配菜cajun
今日嚟到中環呢間好有本土特色嘅酒吧餐館，讀一讀餐廳個名，就知道佢地係一間幾有粗獷豪放特色嘅本地薑餐廳😆 餐館以舊式香港作為裝修主題，入到嚟見到有舊式通花鐵閘、霓虹燈、吊扇等嘅deco，餐具仲用咗公雞碗、紅筷子，呢啲咁有老香港味道嘅懷舊產物真係滿載集體回憶🥲 作為一間特色酒吧，呢到提供多款本地以及外國嘅手工啤酒，仲有唔少特色自創嘅cocktail，口味非常特別，酒鬼必訪🤩! 不過最吸引我嘅一定係佢地自創嘅fusion菜式，以港式口味作為靈感，再混合唔同嘅外地食材同埋烹調手法，成品非常創新有特色。
➤ 24小時慢烤伊比利亞叉燒豬油撈飯 ($188)
招牌菜式！半肥瘦嘅叉燒預先慢煮過，再喺表面搽上蜜汁燒到焦香，食落肉質軟腍，肥瘦均勻，咬落仲有肉汁，啖啖油脂香味。至於個飯底就仿效韓式拌飯嘅做法，將白飯同紅洋蔥漬、大豆芽、韓國紫菜等配菜撈勻，加埋豬油同埋日本溫泉蛋，飯粒食落粒粒分明，索晒蛋汁同埋豬油又甜又香，超正😗
➤ 蔥燒龍膽石班魚柳漢堡包 ($158)
用石斑整嘅burger大家又食過未呢🤔 石斑魚柳食落魚味濃郁，而且肉質厚嫩彈牙，配埋飛魚籽千島汁醬同埋泡菜沙律，味道清爽微酸幾開胃～ 配菜cajun fries都相當好食，炸到外脆內軟，表面灑上香辣嘅調味粉，點埋蕃茄醬/蒜味蛋黃醬一齊食非常惹味。
➤ 咸梅西瓜沙冰 ($68)
用新鮮西瓜打成嘅沙冰，非常足料，清爽解渴 加埋咸梅令西瓜甜味更突出，飲落比一般嘅西瓜汁更清甜，值得一試！
➤ 煨蕃薯焦糖燉蛋 ($148)
軟滑綿密嘅焦糖燉蛋，帶淡淡香甜嘅煨蕃薯味，好啱冬天食🥰 將烘得香脆嘅厚多士沾上燉蛋，加埋酸酸辣辣既薑味柚子jam一齊食，成個味道都幾衝撃味蕾下。
➤ 芝麻花生湯圓 ($125)
Presentation好有特色嘅一杯cocktail，用傳統中式萬壽無疆茶杯裝住，扮成一碗湯圓，玩味感十足。店員建議先單嚐表面嘅花生奶泡，再混合下層嘅黑芝麻whiskey一齊飲。杯入面仲放咗一粒煙煙韌韌嘅湯圓，成個搭配真係好得意！
張貼
