影片
更多
2023-09-07
46 瀏覽
有朋自遠方來的話，呢間餐廳滿足晒你嘅要求！外國朋友嚟到香港，一直好苦惱帶佢食咩先地道，對方又講到明唔想要大排擋嘅環境，可能以前返U個陣食宵嘅環境嚇親佢啦！💡二人餐 $192 (兩款小菜 + 例湯 + 白飯) + 套餐加配飲品($11) 💡魚香茄子煲追求溫度嘅我，見到個煲仲滾緊，茄子份量好多，軟硬適中，個人唔鍾意食太硬身。鹹魚味唔算好出，冇嚇親朋友仔，但肉碎炒得好香，呢一道菜真係勁好送飯。🥘💡台式三杯雞三杯雞同樣以熱鍋上，真係好貼心，因為好難食得快，凍咗又會影響味道同口感。三杯雞食到黑醋味，再以甜調和，醬汁送飯一流。雞件大細剛好，走過油，所以外面焦香，內裏有肉汁又嫩滑。💡特級西班牙黑毛豬叉燒皇飯 $99見到地下櫥窗嘅燒肉，點可以唔叫返碟燒味飯，黑毛豬肉質鮮嫩多汁，肥瘦得宜，唔會成口油又唔會過柴，外層燒得蜜香味濃，配上豉油飯，吸埋叉燒嘅油香，將叉燒飯推上一個層次，每一啖都咁好食。呢間環境舒服，重點係地段超方便，銅鑼灣C1出口正對面，1樓仲有街景可以睇。選擇方面先係重點，價錢唔會貴到中菜館咁，但地道菜款式多到由燒味，小炒、鐵板扒飯、港式漢堡，至下午茶小食，應有盡有。🔥
💡二人餐 $192 (兩款小菜 + 例湯 + 白飯) + 套餐加配飲品($11)
💡魚香茄子煲
追求溫度嘅我，見到個煲仲滾緊，茄子份量好多，軟硬適中，個人唔鍾意食太硬身。鹹魚味唔算好出，冇嚇親朋友仔，但肉碎炒得好香，呢一道菜真係勁好送飯。🥘
💡台式三杯雞
三杯雞同樣以熱鍋上，真係好貼心，因為好難食得快，凍咗又會影響味道同口感。三杯雞食到黑醋味，再以甜調和，醬汁送飯一流。雞件大細剛好，走過油，所以外面焦香，內裏有肉汁又嫩滑。
💡特級西班牙黑毛豬叉燒皇飯 $99
見到地下櫥窗嘅燒肉，點可以唔叫返碟燒味飯，黑毛豬肉質鮮嫩多汁，肥瘦得宜，唔會成口油又唔會過柴，外層燒得蜜香味濃，配上豉油飯，吸埋叉燒嘅油香，將叉燒飯推上一個層次，每一啖都咁好食。
呢間環境舒服，重點係地段超方便，銅鑼灣C1出口正對面，1樓仲有街景可以睇。選擇方面先係重點，價錢唔會貴到中菜館咁，但地道菜款式多到由燒味，小炒、鐵板扒飯、港式漢堡，至下午茶小食，應有盡有。🔥
張貼
