影片
更多
2024-10-20
157 瀏覽
好耐無食韓國菜，今次同朋友再次品嚐呢間銅鑼灣最受歡迎嘅韓國菜餐廳Bingo & Cook，餐廳搬咗新位置，以全新裝修示人，用上韓國街頭風布帳馬車為風格，令人置身喺韓國路邊攤一樣，佈置有韓國路牌、地鐵、店舖、電話亭、機舖、紅綠燈等，每處都係打卡位。餐廳位置方便就腳，環境舒適闊落，係同朋友去聊天食飯嘅好地方。餐廳除咗主理人係Oppa之外，廚師同待應都係韓國人，食物味道正宗。50cm 韓式海鮮鍋海鮮鍋嘅海鮮款式非常豐富，有蟹、蝦、鮑魚、青口、藍青口、扇貝、蜆、魷魚等，每款海鮮亦非常新鮮，食落鮮味十足。鍋底仲有菇同埋芽菜，每款海鮮索晒啲韓式辣湯汁，好惹味。食到最後加一個韓國拉麵，拉麵口感煙靭，非常掛汁。Bingo特製紫菜包飯紫菜包飯餡料豐富，有嫩滑牛肉、爽口嘅紅蘿蔔，入味嘅醃黃瓜、青瓜，蛋同埋芝士，口感豐富，紫菜食落爽脆，飯粒粒粒分明，仲帶有粒粒芝麻，飯粒充滿麻油香味。炸魷魚以原隻炸魷魚為擺盤，炸至金黃色澤，賣相非常吸引，魷魚份量好大，要剪開嚟食，魷魚炸得酥脆可口，好邪惡。藍莓沙冰藍莓沙冰味道酸酸甜甜，粉紅色加上紫色，賣相吸引，沙冰夏天飲好清新。另外藍莓有豐富嘅花青素，係天然嘅抗氧化物，非常健
好耐無食韓國菜，今次同朋友再次品嚐呢間銅鑼灣最受歡迎嘅韓國菜餐廳Bingo & Cook，餐廳搬咗新位置，以全新裝修示人，用上韓國街頭風布帳馬車為風格，令人置身喺韓國路邊攤一樣，佈置有韓國路牌、地鐵、店舖、電話亭、機舖、紅綠燈等，每處都係打卡位。餐廳位置方便就腳，環境舒適闊落，係同朋友去聊天食飯嘅好地方。餐廳除咗主理人係Oppa之外，廚師同待應都係韓國人，食物味道正宗。
50cm 韓式海鮮鍋
海鮮鍋嘅海鮮款式非常豐富，有蟹、蝦、鮑魚、青口、藍青口、扇貝、蜆、魷魚等，每款海鮮亦非常新鮮，食落鮮味十足。
鍋底仲有菇同埋芽菜，每款海鮮索晒啲韓式辣湯汁，好惹味。
食到最後加一個韓國拉麵，拉麵口感煙靭，非常掛汁。
Bingo特製紫菜包飯
紫菜包飯餡料豐富，有嫩滑牛肉、爽口嘅紅蘿蔔，入味嘅醃黃瓜、青瓜，蛋同埋芝士，口感豐富，紫菜食落爽脆，飯粒粒粒分明，仲帶有粒粒芝麻，飯粒充滿麻油香味。
炸魷魚
以原隻炸魷魚為擺盤，炸至金黃色澤，賣相非常吸引，魷魚份量好大，要剪開嚟食，魷魚炸得酥脆可口，好邪惡。
藍莓沙冰
藍莓沙冰味道酸酸甜甜，粉紅色加上紫色，賣相吸引，沙冰夏天飲好清新。另外藍莓有豐富嘅花青素，係天然嘅抗氧化物，非常健康。
芒果沙冰
芒果沙冰口感順滑，帶有濃郁芒果香氣，味道微酸當中帶有奶香，夏天飲清爽解渴。
張貼
