但馬屋 (新都會廣場)

營業中

休息中

【 食到勁飽又滿足 】疫情期間，已經兩個月無出街食飯，今日終於約朋友見下面，一定要食番餐好嘢，我哋想大吃大喝，所以揀左去食90分鐘放題的火鍋，真係好滿足！中午時段但馬屋都幾多人，我哋等左45分鐘先有位，揀左「北海道夢之大地豚放題套餐」，可以一次過試齊北海道夢之大地豚肉，澳洲產長期穀飼牛，嚴選牛肉和丹麥皇冠豚肉，每款肉類都唔錯。湯底叫左兩款，一款千夜鍋，一款藥膳麻辣鍋，各有特色。雪糕和飲品都係任拎，罐裝飲品選擇都好多，緊有一款啱心水。自助區選擇唔多，但一定夠食，蔬菜，菇類和丸類等都有，仲有烏冬和公仔麵，飽肚之選。