西貢許姑娘家鄉茶粿 (已結業)

星期日中午在西貢，遇著建制派蛇齋餅糉一車車鴨仔團，大媽領隊fing住支中國紅三角旗仔，用帶有鄉音嘅吶喊叫一眾鴨仔跟住佢去買許姑娘茶粿，講到好似非買不可，未食過唔好話嚟過西貢一樣。令我回想起以前做旅遊，帶啲來港旅客去行鋪收回佣嘅畫面。睇返啲圖原來只開星期六日同紅日，喺屋前開幾張摺枱嘅臨時攤檔。檔前人山人海。雞屎藤，$13，外型同傳統嘅好大分別，好似一排朱古力咁，上面有粒脆花生。質感比較煙韌，有咬口，質地英國傳統甘草軟糖。味道不濃。綠茶紅豆茶粿，$13，買回來時全黏在膠盒蓋上。質地比較軟，像糯米滋或日本大福，沒有很甜。朋友食的時候食到一條小鋼絲，疑似清潔時從鋼絲刷脱落出嚟。整體正常品質，沒有去到必食不可的地步。