影片
更多
2021-10-06
26 瀏覽
10月啤酒節🍺，阿叔繼續「啤啤佢」系列🥳！今次同朋友聚舊，為咗傾計傾得放啲，大家於是乎就決定嚟呢間位於禮頓道嘅手工啤酒專門店食晏🍽！呢度裝修以嘉年華🎪為主題，既有充滿色彩嘅遊樂場景壁畫，又有旋轉木馬嘅裝置，成個環境好有歡樂氣氛🤹🏽，絕對令你好想飲番一、兩杯先好走！ 一場嚟到當然要叫番杯手工啤 🍺(200ml：午餐加$30，400ml：午餐加$50)！呢度嘅手工啤酒嚟自世界各地，有澳洲🦘、美國🇺🇸、意大利🇮🇹、德國🇩🇪等，甚至香港獨家口味都有，有成廿幾款咁多，阿叔第一次嚟幫襯，真係唔知點揀好！不過呢度有一個簡單標籤，標籤清楚介紹每款啤酒嘅資料，例如啤酒嘅出產地、顏色、酒精濃度、風格都一一列出，方便我咩都唔識嘅人揀嚟飲。😉 今次阿叔嘅選擇係 No. 22 This is Malty，啤酒顏色偏紅紅地，味道唔太麥味，反而有少少甜，好易入口，相信女士們都會好啱飲！😊😊😊 🦐綠咖喱意大利飯配香煎鳳尾蝦 ($93)，５大隻爽口彈牙嘅鳳尾蝦🦐，配上口感煙韌軟滑嘅意大利飯，再加上青咖喱汁，味道非常惹味，啱晒好辣人士！😋😋😋 🐟泰式香煎三文魚柳配薯蓉 ($108)，大大件嘅挪威三文魚柳🐟先以泰式香料醃製
今次同朋友聚舊，為咗傾計傾得放啲，大家於是乎就決定嚟呢間位於禮頓道嘅手工啤酒專門店食晏🍽！呢度裝修以嘉年華🎪為主題，既有充滿色彩嘅遊樂場景壁畫，又有旋轉木馬嘅裝置，成個環境好有歡樂氣氛🤹🏽，絕對令你好想飲番一、兩杯先好走！
一場嚟到當然要叫番杯手工啤 🍺(200ml：午餐加$30，400ml：午餐加$50)！呢度嘅手工啤酒嚟自世界各地，有澳洲🦘、美國🇺🇸、意大利🇮🇹、德國🇩🇪等，甚至香港獨家口味都有，有成廿幾款咁多，阿叔第一次嚟幫襯，真係唔知點揀好！不過呢度有一個簡單標籤，標籤清楚介紹每款啤酒嘅資料，例如啤酒嘅出產地、顏色、酒精濃度、風格都一一列出，方便我咩都唔識嘅人揀嚟飲。😉 今次阿叔嘅選擇係 No. 22 This is Malty，啤酒顏色偏紅紅地，味道唔太麥味，反而有少少甜，好易入口，相信女士們都會好啱飲！😊😊😊
🦐綠咖喱意大利飯配香煎鳳尾蝦 ($93)，５大隻爽口彈牙嘅鳳尾蝦🦐，配上口感煙韌軟滑嘅意大利飯，再加上青咖喱汁，味道非常惹味，啱晒好辣人士！😋😋😋
🐟泰式香煎三文魚柳配薯蓉 ($108)，大大件嘅挪威三文魚柳🐟先以泰式香料醃製，之後再拎去煎香，做成皮脆肉嫩。阿叔鍾意佢肉質嫩滑，肉汁又夠多，實屬我嘅個人推介。👍🏽👍🏽👍🏽
張貼
