影片
更多
2023-10-08
155 瀏覽
忙完9月尾幾場講場後，阿叔👨🏻終於放監有機會唞唞喇🙌🏾！上星期見天氣好好，決定相約朋友出外走走兼擦餐勁。嚟到馬鞍山呢間日式料理店，佢嘅分店遍佈全香港📍，中環、尖沙咀、觀塘、荃灣、屯門等地區都搵到佢，要食真係好方便。☺️☺️☺️ 嚟到呢度，你講得出咩嘅日本料理都可以食到，刺身🐟、壽司🍣、丼飯🍚、燒物、天婦羅、串燒🍢乜都有，加上價錢較大眾化，所以見唔少朋友都好鍾意嚟呢度食。🤭🤭🤭 🍚本鮪拖羅丼 ($198)單點餐牌嘅其中一款丼飯，賣相非常可愛，入面有大拖羅、吞拿魚同拖羅魚蓉，款款都好香魚油味，伴飯食一流，作為吞拿魚粉嘅阿叔表示食得好滿足！ 🐟鹽燒原條喜之次 ($198)日本三大名魚之一！原條盬燒過後，唔單止外皮夠香脆，入邊魚肉更滑嫩多汁，呢個價錢值得一食！🍣御膾炙燒壽司盛 ($238)10件炙燒過嘅壽司，有赤身醬油漬、三文魚、黑松露赤蝦、墨魚等，啱晒唔太食生嘢嘅朋友外，每件仲多咗份焦香味添。套餐除咗壽司，仲有沙律、味噌湯、迷你稻庭烏冬或蕎麥麵可揀，食晒都幾飽架，不過提提大家，呢個套餐只限荃灣、屯門同呢度供應，想食唔好去錯分店！
嚟到呢度，你講得出咩嘅日本料理都可以食到，刺身🐟、壽司🍣、丼飯🍚、燒物、天婦羅、串燒🍢乜都有，加上價錢較大眾化，所以見唔少朋友都好鍾意嚟呢度食。🤭🤭🤭
🍚本鮪拖羅丼 ($198)
單點餐牌嘅其中一款丼飯，賣相非常可愛，入面有大拖羅、吞拿魚同拖羅魚蓉，款款都好香魚油味，伴飯食一流，作為吞拿魚粉嘅阿叔表示食得好滿足！
🐟鹽燒原條喜之次 ($198)
日本三大名魚之一！原條盬燒過後，唔單止外皮夠香脆，入邊魚肉更滑嫩多汁，呢個價錢值得一食！
🍣御膾炙燒壽司盛 ($238)
10件炙燒過嘅壽司，有赤身醬油漬、三文魚、黑松露赤蝦、墨魚等，啱晒唔太食生嘢嘅朋友外，每件仲多咗份焦香味添。套餐除咗壽司，仲有沙律、味噌湯、迷你稻庭烏冬或蕎麥麵可揀，食晒都幾飽架，不過提提大家，呢個套餐只限荃灣、屯門同呢度供應，想食唔好去錯分店！
張貼
