潮牛腩

營業中

休息中

呢間位於灣仔、由電影🎥老闆開嘅清湯腩專門店新開無耐，店內除咗普通牛腩🐮外，更有一系列牛坑腩🐂、牛爽腩🐂同崩沙腩🐂每日限量發售。點解咁矜貴款款都限量發售？原因係因為佢哋嘅牛係用上騸牯牛。網上💻搵資料先知騸牯牛係已經閹割咗嘅牛，呢款牛嘅脂肪會比較多，而且肉味更濃，想食靚牛就真係要早啲嚟喇！😅清湯牛坑腩河粉($90)，先嚟要讚一讚呢度嘅湯底，濃郁而且清甜，飲完一啲都唔會覺得口渴👍🏽。主菜牛坑腩果然肉質幼嫩，肉味濃郁🤤，如果你想重口味啲，不坊叫碗咖喱魚蛋，加少少咖喱汁一齊食，味道會更惹味！😋食後感：講真，呢個價錢屬於中上價，不過質素又係幾唔錯，如果份量再多啲就更好，附近返工嘅人都值得嚟一試嘅！🙂