鯛魚湯專門店 (已結業)

前排睇大台嘅飲食節目推介鯛魚湯專門店，作為魚湯愛好者，當然要去試下啦。今日叫咗:皇帝蟹腳海膽湯飯 (加象拔貝)皇帝蟹腳湯烏冬(加鮑魚、鯛魚同八爪魚)冰滴奶茶等咗一陣，Mr.J嘅皇帝蟹腳湯烏冬先送上。配料嘅會用另一隻碗仔裝起，唔洗起茫茫大碗搵返出嚟。鮑魚仔好厚身，魚湯滲入鮑魚，更加鮮甜美味。烏冬煮得啱啱好，唔會太淋，而且每條烏冬都沾上蟹腳味嘅魚湯，好味。我嘅皇帝蟹腳海膽湯飯係鍋飯上，一路食一路加熱住（唔洗擔心個火，到差唔多時候會熄）。海膽嘅份量唔少，淋一兩匙熱湯上海膽再放入口，加上有少量飯素喺海膽底，鮮味十足無腥味。皇帝蟹腳並唔係普通一般假蟹柳，而係足足有6條連殻嘅蟹腳，每條至少有一隻手指咁粗，仲要去咗少少殻方便食客拆出嚟食，蟹肉配魚湯好新鮮。飯因為有鯛魚湯、海膽同皇帝蟹腳嘅鮮味，變得更加鮮香撲鼻。(因為太好味，我最後一滴魚湯都無淨)魚湯象拔貝好爽口又鮮甜。冰滴奶茶都唔錯。