龍門冰室 (已結業)

一個人去食飯，都唔可以食得求其，雖然附近都有好多餐廳，不過就最尾揀咗龍門冰室，裝修又幾靚㗎！餐牌上面嘅選擇都幾多，價錢合理，同大型連鎖店其實相差無幾，而且比較多個性化選擇。炸醬豬頸肉米線（五香肉丁）+紅豆冰 $30+$6豬頸肉d顏色都幾新鮮，爽口又彈牙。加埋五香肉丁特別惹味，小小辣，仲有炸醬又甜又辣。最估佢唔到就係包埋西蘭花同埋沙律菜，非常豐富！米線亦都比預期中更加彈牙，而且不會過分煙韌，口感剛好。一個人食已經夠晒飽，加＄6又有埋紅豆冰，個樣好似好立克實際上其實係奶味，裏面啲紅豆就比較硬身有口感，至少味道不會太甜，好適合我。呢個價錢而且有呢個食物質素， 順帶一提就係哩度既服務質素同效率都好高，點餐後好快就可以上菜，而且服務員都好nices， 下一次將會再度來光顧。