來多碗車仔麵 (康寧道) (已搬遷) 新店位置

好耐之前食過呢度嘅車仔麵，一直都好念念不忘。之前舊舖搬咗，一直都唔知搬咗去邊， 直到今日路過先見到，梗係即刻入去食啦。上晝11點幾左右，可能未到午飯時間，鋪面唔多人，一入去就有位坐。價錢亦都好實惠，叫咗個三餸麵， 價值＄30，份量啱啱好。叫咗魚蛋冬菇同埋魷魚加油面，重點係加辣！佢個辣汁真係不得不提，溝埋落個湯到好惹味！魷魚亦都係必選之一， 食落非常爽口，我每次都會嗌！不過如果佢個湯可以落多啲就好啦，我每次都會飲晒