台北人 (已結業)

一個人食晚飯，喺黃埔沿路睇下有咩可以買返屋企食~ 經過見到呢間台北人， 裝修幾別緻，有便當同台式小食，賣相幾正咁🥰店員介紹話有3款新便當，包括雞絲，腩肉同花枝扒，我揀左花枝扒便當，仲叫左個芝士火腿粟米蛋餅，買便當仲會送冬瓜茶，都幾抵！花枝扒即叫即炸，確保熱辣辣，一咬好香脆，花枝爽口彈牙，好惹味🤩便當裡面有3款配菜同半隻滷蛋，望住店員好有心機咁砌靚靚，誠意分滿滿☺ 一個便當都幾大份，我可以分兩餐食都得😂蛋餅都係即刻整，見到佢都落足料，仲幫我切開幾件方便食~ 蛋餅皮薄身軟熟，芝士火腿呢個配搭冇得輸，加埋粒粒粟米，有口感又好食😋食完熱氣野飲下冬瓜茶清熱都幾好，甜甜地易入口！