老夫子餐館 (已結業)

呢晚放工自己一支公走左去太子買野，順便食埋晚飯，遠處望得大大個老夫子公仔，原來呢度開左間“老夫子餐館”，好懷念~裝潢全部老夫子漫畫，就連餐牌內的菜名都用左漫畫的4字成語標題，好有特色。今晚決定食返餐好既，決定點出神入化 (鐵板牛柳)，份量十足，足夠2個人食，厚厚的牛柳煮到七成熟，口感帶鮮嫩嚼勁，淋埋個黑椒汁味道更香濃，伴菜仲有西蘭花、紅蘿蔔、薯仔，我一個人食真係超級飽。膽大包天（忌廉溝鮮奶），好耐冇飲過啦，上面竟然用左綿花糖，多左分甜味，幾有創意。