鮪世市場 (已結業)

將軍澳gateway商場，開左間吾錯嘅日本店，細細間不過魚生出奇地咁新鮮，好值得推介。原本打算一個人食下壽司，所以呢間都幾方便，入到去，發現真係吾錯，係個搵食好地方，先講壽司，佢嘅火灸三文魚燒得岩岩好，半生熟咁，好香滑仲保有魚油香。鰻魚壽司嘅鰻魚燒得火喉適中，當中醬汁配搭美味，而且都好厚肉，好食。火灸帆立貝壽司，燒嘅時間恰當，有熟同生嘅口感，大大粒，好鮮味，好好食。再嚟碗丼飯，試左呢碗吞拿魚嘅丼飯，叫淺漬本鮪赤身丼，呢隻魚生少少咸咸地，但塊吞拿魚都仲好新鮮，口感軟滑，魚味極濃，而且份量都足夠，一個人食幾件壽司再加碗丼飯都夠晒飽，夠晒滿足了，呢間魚生真係好新鮮，好食，一個人嘅日本浪漫，岩晒。