深仔記 (已搬遷) 新店位置

今晚一個人突然想食雲吞麵，經過油麻地，就去左我不時都會去的深仔記。叫左雲吞麵（$26）同油菜（$12）有菜心同芥蘭，最後選左芥蘭。 雲吞麵頗為細碗，見到其他人好多都會叫兩碗。d麵煮得好彈牙,唔會咬極都唔斷。雲吞一試難忘，從未試過食過d雲吞皮可以咁滑，仲要個皮好薄，入面d蝦我咬開幾隻，老闆應該攞走哂d蝦腸，值得一讚，蝦好有質感，咬落去好濃蝦味，爽口彈牙，雖然比出面較細粒，但係真材實料，包你回味無窮，想叫多一碗。講埋碟菜先，我未食過咁爽口的芥蘭，好多時出面食會好硬或煮得過淋，lee碟煮得剛剛好，好爽翠，菜本身仲好碧綠，證明真係好新鮮。