影片
更多
2022-10-24
27 瀏覽
食燒肉，仲要係和牛，係咪一定要三百蚊起跳，過千先食到真正既A5？🧐🧐今晚就喺多餐廳既白布街食左和牛，包括A5，而唔洗一人幾舊水😆👍🏻我地兩個人，叫左兩個set，極尚和牛定食同阿久根和牛涮鍋。跟住仲追加左雞皮、牛舌、A5肉眼等等🤤🤤🤤先上餐前小食，係一小碟既味噌醃青瓜。青瓜新鮮爽脆，加上味噌既咸甜味，又清新又開胃，為一陣既燒肉做準備😌😌😌燒肉Set係跟齊沙律、飯素飯同有隻蜆既味噌湯。一上黎既肉有A4肉眼、A4西冷、牛舌，同埋仲有牛肚同牛肋肉。A4級既肉果然係A4級，雪花夠多。肉眼雪花均勻，口感軟林😋😋西冷比起肉眼多d咬口，同時都多d牛香。牛舌除左有佢獨特煙韌爽既口感，牛味都好出。牛肚燒完外脆帶少少黏，內軟而且煙韌，會食牛肚但又冇食過燒牛肚既，呢個值得一試😍😍👍🏻牛肋肉雖然唔係A4，但係勝在燒完之後，一層層既脂肪部分溶化左，除左香，仲有帶o趙勁既口感至於牛涮鍋，牛肉有胸腹肉，三角肋肉同A4肉眼。而除左牛肉，跟set仲有烏冬、薯粉、唔同蔬菜同埋一隻生蛋。燒肉店度食牛涮鍋，我都係第一次😙😙特別在於，用涮黎整熟既牛肉，應該通常係薄片，但呢度既就係燒肉一樣既一塊塊牛肉😋😋一開始仲覺得有d奇怪，但係
今晚就喺多餐廳既白布街食左和牛，包括A5，而唔洗一人幾舊水😆👍🏻
我地兩個人，叫左兩個set，極尚和牛定食同阿久根和牛涮鍋。跟住仲追加左雞皮、牛舌、A5肉眼等等🤤🤤🤤
先上餐前小食，係一小碟既味噌醃青瓜。青瓜新鮮爽脆，加上味噌既咸甜味，又清新又開胃，為一陣既燒肉做準備😌😌😌
燒肉Set係跟齊沙律、飯素飯同有隻蜆既味噌湯。一上黎既肉有A4肉眼、A4西冷、牛舌，同埋仲有牛肚同牛肋肉。A4級既肉果然係A4級，雪花夠多。肉眼雪花均勻，口感軟林😋😋
西冷比起肉眼多d咬口，同時都多d牛香。牛舌除左有佢獨特煙韌爽既口感，牛味都好出。牛肚燒完外脆帶少少黏，內軟而且煙韌，會食牛肚但又冇食過燒牛肚既，呢個值得一試😍😍👍🏻
牛肋肉雖然唔係A4，但係勝在燒完之後，一層層既脂肪部分溶化左，除左香，仲有帶o趙勁既口感
至於牛涮鍋，牛肉有胸腹肉，三角肋肉同A4肉眼。而除左牛肉，跟set仲有烏冬、薯粉、唔同蔬菜同埋一隻生蛋。燒肉店度食牛涮鍋，我都係第一次😙😙
特別在於，用涮黎整熟既牛肉，應該通常係薄片，但呢度既就係燒肉一樣既一塊塊牛肉😋😋一開始仲覺得有d奇怪，但係涮落就唔覺。因為比起一片片薄切，厚厚一塊既牛肉食落係更加有口感同牛香。重點：會唔會好韌？普通牛肉我唔清楚，但和牛肉就唔會😌😌牛肉又林，又保留到牛肉既原汁原味，冇左陣燒既味，帶少少湯底既甜味，好似更加食得到牛味🥰🥰
之後上既A5肉眼，淨係雪花都已經夠賞心悅目。就算唔小心咁燒奈左少少，放入口果個入口即溶既油脂感真係呃唔到人，滿口油香。至於雞皮就比較難燒到好似串燒店咁脆，因為佢地既雞皮油脂好豐富，燒到出哂煙都燒唔到脆卜卜，自認燒肉有技巧既人可以黎挑戰下😏😏😏
老實講，就算去食燒肉放題，你又食到幾多舊A4A5？可能唔係再係十八歲後生仔，宜家就算真係食到十碟，食到成肚油滯成日又唔係咁好受。😮💨😮💨😮💨
但和牛散叫得都起碼成塊排或者一碟五六片，可以續塊叫黎燒既地方，又好似冇咩點見到。黎到呢間餐廳，想嘆多塊A5可以叫牛排，唔夠喉想食多塊又可以一塊塊咁加，睇budget食飯，但又想食和牛既又可以點到即止。簡單d講，豐儉由人👍🏻👍🏻
張貼
