影片
更多
2015-01-20
1550 瀏覽
老公生日但佢唔鍾意大肆慶祝, 由於上次去中環嘅大喜屋食放題, 超滿意, 於是再搵咗間放題, 係咁宜食餐生日飯.之前見到有食評話, 環境OK, 地板無立黏黏, 又有其他好評, 滿心歡喜食一餐放題, 點知大失望而回. 一去到等咗五分鐘, 因為將我嘅手提同另一個 booking 調轉咗, 要稍為等咗一陣. 安排咗我地坐最入面, 行到入去, 地板立黏黏, 已經心感不妙, 又唔敢同老公講, 只可以繼續硬著頭皮點菜, 全餐飯都將對腳"郎"係檯腳度。飲品包氣水、啤酒, 啤酒係日本 Orion.第一輪點咗三文魚、甜蝦、帶子、油甘魚, 第一輪上的魚生係OK嘅, 但唔算係好得, 因為唔明點解帶子要碎上, 可以接受帶子一開二, 但唔可以碎上.仲叫咗軟殼蟹手卷、海膽手卷、花之戀壽司、鰻魚芝士卷、吉列炸蝦卷、火灸牛柳壽司、韓式炒蜆、韓式豬頸肉、味增大腸、天婦羅蝦、 天婦羅冬菇、天婦羅南瓜、天婦羅蕃薯、炒雜菜、羊架、燒粟米。 海膽手卷只有一小粒海膽, 而火灸牛柳壽司嘅手柳叫牛肉乾會貼切D. 韓式炒蜆、韓式豬頸肉無嚟到, 反而同一張單嘅味增大腸有嚟, 但味增大腸食唔到味增味, 反而好似車仔麵嘅豬大腸. 最好味嘅係天
老公生日但佢唔鍾意大肆慶祝, 由於上次去中環嘅大喜屋食放題, 超滿意, 於是再搵咗間放題, 係咁宜食餐生日飯.
之前見到有食評話, 環境OK, 地板無立黏黏, 又有其他好評, 滿心歡喜食一餐放題, 點知大失望而回.
一去到等咗五分鐘, 因為將我嘅手提同另一個 booking 調轉咗, 要稍為等咗一陣. 安排咗我地坐最入面, 行到入去, 地板立黏黏, 已經心感不妙, 又唔敢同老公講, 只可以繼續硬著頭皮點菜, 全餐飯都將對腳"郎"係檯腳度。
飲品包氣水、啤酒, 啤酒係日本 Orion.
第一輪點咗三文魚、甜蝦、帶子、油甘魚, 第一輪上的魚生係OK嘅, 但唔算係好得, 因為唔明點解帶子要碎上, 可以接受帶子一開二, 但唔可以碎上.
仲叫咗軟殼蟹手卷、海膽手卷、花之戀壽司、鰻魚芝士卷、吉列炸蝦卷、火灸牛柳壽司、韓式炒蜆、韓式豬頸肉、味增大腸、天婦羅蝦、 天婦羅冬菇、天婦羅南瓜、天婦羅蕃薯、炒雜菜、羊架、燒粟米。 海膽手卷只有一小粒海膽, 而火灸牛柳壽司嘅手柳叫牛肉乾會貼切D. 韓式炒蜆、韓式豬頸肉無嚟到, 反而同一張單嘅味增大腸有嚟, 但味增大腸食唔到味增味, 反而好似車仔麵嘅豬大腸. 最好味嘅係天婦羅蝦、 天婦羅冬菇、天婦羅南瓜、天婦羅蕃薯, 唔太油, 熱辣辣。炒雜菜好細碟, 而且唔太惹味, 出面食嘅會加黑胡椒, 但呢度無. 燒粟米係超甜粟, 好味! 但我地無叫燒菠蘿, 佢又俾咗D燒菠蘿我地, 好酸! 羊架唔係羊架, 而似係羊扒薄切.
第一輪食完, 叫第二輪, 叫咗韓式炒蜆、韓式豬頸肉, 因為之前無嚟到, 再 encore 咗三文魚、甜蝦、油甘魚、牛肉烏冬、火灸三文魚壽司、火灸油甘魚壽司、火灸鰻魚壽司、香蒜牛柳. 落完第二次單, 等咗半個鐘先有得食。 OK嘅有火灸三文魚蒜壽司、火灸油甘魚壽司、火灸鰻魚壽司、花之戀壽司、香蒜牛柳, 牛柳有牛味及肉質鮮, 但奇怪在唔係蒜片牛柳, 而落炸蒜粒. 第二輪花之戀壽司點咗四件, 但只嚟咗兩件, 魚生亦開始薄切, 油甘魚薄咗三分一,唔知係咪開始擔心食物供應不足。呢次甜蝦嘅肉有D散散地, 好似唔太新鮮. 牛肉烏冬無嚟過. 韓式炒蜆、韓式豬頸肉唔夠熱, 只係微溫, 唔敢食.
第二輪食完, 再叫第三輪, 叫咗一直無嚟過嘅牛肉烏冬、encore天婦羅蝦、 天婦羅冬菇、天婦羅南瓜、天婦羅蕃薯, 再等另外半個鐘, 其間開始聽到其他檯有投訴, 有一檯國內同胞投訴點咗食物但無嚟, 隔離檯點咗天婦羅幾次都無到, 仲有一檯都係投訴點咗食物但無嚟但嚟咗無點嘅. 天婦羅蝦點咗四件, 但只嚟咗兩件. 而我地點咗兩次嘅牛肉烏冬都係無嚟過. 卒之, 好不滿地埋單離開.
三文魚、甜蝦、帶子、油甘魚、火灸牛柳壽司、花之戀壽司
91 瀏覽
0 讚好
0 留言
軟殼蟹手卷、海膽手卷、鰻魚芝士卷、吉列炸蝦卷
35 瀏覽
0 讚好
0 留言
天婦羅蝦、 天婦羅冬菇、天婦羅南瓜、天婦羅蕃薯、味增大腸
40 瀏覽
0 讚好
0 留言
火灸三文魚壽司、火灸油甘魚壽司、火灸鰻魚壽司
30 瀏覽
0 讚好
0 留言
燒蕃薯、香蒜牛柳
30 瀏覽
0 讚好
0 留言
encore天婦羅蝦、 天婦羅冬菇、天婦羅南瓜、天婦羅蕃薯
34 瀏覽
0 讚好
0 留言
韓式炒蜆、韓式豬頸肉
25 瀏覽
0 讚好
0 留言
燒菠蘿、燒粟米
22 瀏覽
0 讚好
0 留言
炒雜菜、燒羊架
25 瀏覽
0 讚好
0 留言
題外話/補充資料：
如果上菜上得咁慢, 唔可能仲要限制人客食兩個鐘.
(以上食評乃用戶個人意見 , 並不代表OpenRice之觀點。)
張貼
