十八夢

今日同妺妹去食一個好難忘的晚餐，美食配合舞台劇表演，這個5D沉浸式歌舞劇表演《異世界-捕夢之旅》，以夢和夢想作為主題，由詹瑞文擔任監製的舞台劇。可以一邊享用晚餐、同時一邊看歌舞劇表演。環境完全配合主題，華麗的怖置、巨大的螢幕、配合音樂及燈光效果，令人置身於如夢幻嘅仙境中很有氣氛。表演者的化妝與服飾花盡心思，期間與觀眾之間都會互動交流。今晚的晚餐有四道菜式，每道菜式都好精緻🤩。✿夢海浮沉 餐湯~羅馬蕃茄羅勒湯，用精美杯子盛載，賣相相當特別！蕃茄湯味道濃郁帶點酸酸甜甜、好開胃。✿舊歡魚夢刺身拼盤~精緻嘅寶盒，內𥚃有油甘魚、帆立貝、牡丹蝦、海膽及生蠔。油甘魚非常肥美，牡丹蝦新鮮彈牙，海膽甘香鮮味，生蠔配上黑魚籽，三文魚子和柚子啫喱，味道好夾。另外，打開寶盒時記得準備手機拍攝，有額外嘅小驚喜‼️✿原野夢圍中的夢朱豬主菜~西班牙伊比利亞豬鞍，4小時慢煮方式，肉質呈現粉粉嫰嫰，肉味濃郁多汁，配搭蘋果蓉同無花果蓉製成嘅醬汁，可減低油膩感。✿甜椰椰夢歌甜品~椰子芒果朱古力，賣相造型好可愛！白雲嘅造型，外層係椰子慕斯，內裏係芒果醬同果肉，味道甜而不膩。今晚嘅歌舞劇表演同晚餐，時間大約兩小時，一次過享受味、