宏 (已結業)

朋友仔又係抹茶控又中意食日本野，佢帶左我黎呢間係黃埔既「宏」。呢度9 成定食都有定食set，而個set入面係會跟飲品同蛋糕架！我地叫左呢個迷你三彩丼定食，真係一次滿足你6 個願望。除左有新鮮既吞拿魚碎魚生飯同熱辣辣既饅魚飯外，呢個海藻烏冬一定要介紹一下，店員推介係用新鮮海藻製，不但有高纖維有營養，仲口感幼滑伴有海藻味，見到裡面一點點既就係新鮮海藻啦！呢個海藻烏冬太好食同好特色，所以我地追加左個牛肉咖哩海藻烏冬。餐飲可以加錢轉特色飲品。甜品我地選左抹茶蛋糕，軟綿綿既蛋糕伴有頂頭少少抹茶粉，裡面就係口感細膩幼滑既抹茶忌廉，食落口有幸福感呢。