影片
更多
2019-12-17
2669 瀏覽
天氣涷涷地，約朋友一定係揀打邊爐! 但打邊爐真係好heavy，唔可以成日食...咁啱朋友係觀塘返工，發現左呢間睇落好健康既火鍋，就叫埋我地去食!.餐廳主推日式Shabu Shabu形式既一人火鍋，餐廳內部裝修都係走日式木材簡約設計。我地一行三人被安排坐係一張四人卡位，座位寛而舒適，枱面有四個電磁爐，但張枱都夠大，所以仍然有好多位置可以擺放野食。.Menu上有提供美人鍋套餐，包左一個湯底，一個蔬菜拼盤同三個醬料，價錢因應湯底有所不同。肉食個D就無包到係個set入面，可以因應自己需要而追加。醬料同飲品區域係自助形式，都幾多選擇。我地因為想食多D肉，而且餐廳無規定每人要叫一個湯底，所以我地只係叫左兩個湯底，分別係骨膠原湯同宮崎風辛辣湯，然後追加左以下既食物:- 美國牛小排- 和牛肩肉- 明太子免治雞肉- 豚腩片- 日本羽衣麵骨膠原湯係呢到既主打湯底，湯底係由幼雞同走地雞既雞骨熬製而成，所以入面每一啖都係骨膠原，好有營養，啱晒女士! 上枱時湯底呈固體狀態，要開火一陣先會變成可以用黎打邊爐既質感，味道係好似平時飲既雞湯咁，味道較淡，無油係湯入面，感覺十分健康! 宮崎風辛辣湯就比較濃味，味道十足不
.
餐廳主推日式Shabu Shabu形式既一人火鍋，餐廳內部裝修都係走日式木材簡約設計。我地一行三人被安排坐係一張四人卡位，座位寛而舒適，枱面有四個電磁爐，但張枱都夠大，所以仍然有好多位置可以擺放野食。
.
Menu上有提供美人鍋套餐，包左一個湯底，一個蔬菜拼盤同三個醬料，價錢因應湯底有所不同。肉食個D就無包到係個set入面，可以因應自己需要而追加。醬料同飲品區域係自助形式，都幾多選擇。
我地因為想食多D肉，而且餐廳無規定每人要叫一個湯底，所以我地只係叫左兩個湯底，分別係骨膠原湯同宮崎風辛辣湯，然後追加左以下既食物:- 美國牛小排
- 和牛肩肉
- 明太子免治雞肉
- 豚腩片
- 日本羽衣麵
骨膠原湯係呢到既主打湯底，湯底係由幼雞同走地雞既雞骨熬製而成，所以入面每一啖都係骨膠原，好有營養，啱晒女士! 上枱時湯底呈固體狀態，要開火一陣先會變成可以用黎打邊爐既質感，味道係好似平時飲既雞湯咁，味道較淡，無油係湯入面，感覺十分健康! 宮崎風辛辣湯就比較濃味，味道十足不過辣味對於我地黎講就唔係好夠 haha
美國牛小排肥瘦適中，食落有油香味，幾好食。和牛肩肉就係比較少脂肪，所以油香味無咩但肉味濃，大家可以因應自己既口味去揀。豚腩片切得好薄身，所以都係淥一淥就食得，味道都幾清甜。明太子免治雞肉既食法類似蝦滑咁，攪勻左明太子同免治雞肉之後就可以分成幾舊放落個湯到淥，建議呢個配淡湯食，如果唔係就會俾個湯搶晒味。
日本羽衣麵建議唔好淥得太耐，因為個質地本來都係腍D，淥得太耐會好難夾。味道幾好食，而且好滑身。除左火鍋，呢到都有提供熟食，我地就叫左兩個小食，分別係海老牛油果美人卷同南蠻炸雞。美人卷外貌同味道食落都似係越南米紙卷，味道幾fresh，好啱做開胃小菜。南蠻炸雞有得揀辣同唔辣，我地揀左辣味，食落唔算好辣，醬油味更濃。
雖然食完唔會真係變「美人」，但呢到既健康食物種類都多，約埋班朋友黎呢到打邊爐都係一個唔錯既選擇! 可以恰下恰下之餘又少D罪惡感，幾好幾好!!
張貼
