影片
更多
2017-03-30
439 瀏覽
心血來潮突然好想食火鍋 成日食某間火鍋 偶爾都想搞啲新意思 同朋友睇完戲之後 就去左上環搵食～本來都打定輸數又要去返間去開既餐廳 好彩喺行緊去既途中 俾我地發現左新餐廳 好似係「過江龍」—煮道 餐廳佔地面積頗大 可以容納好多張枱枱櫈櫈 我地坐喺窗邊 可以眺望街景～ 最特別既係 佢地有機械人幫手送餐飲！ 佢好可愛 每次一出場就有好多人影佢相 或者一直望住佢 😂Menu方面 佢地有多款不同主題既鍋 有中國川菜風味、韓式部隊鍋、美式黑毛豬肉同埋港式雜丸鍋 我地個個鍋都有興趣 不過由於我太愛牛肉 所以揀左星級精選鍋 可以試到美國黑毛豬肉😋 而朋友就揀左韓式部隊鍋 佢鍾情於家鄉風味😂我點左台式珍珠奶茶 多茶少冰～好中意彈牙既珍珠 煙韌綿密 口感十足～當然唔少得奶茶既完美比例 中意茶既人可以選擇多茶 茶香更濃郁😋朋友點既係冰紅茶 紅茶好香好清新 感覺健康有益 而且我地食呢啲又肥膩又熱氣既火鍋 飲紅茶可以清下熱氣 分解脂肪食火鍋用既醬油都唔可以忽視 好既醬汁絕對有助提升食物既鮮味 餐廳提供左三種醬汁 分別係經典醬汁、麻辣醬同埋香濃沙嗲醬 大家可以按自己既喜好 選擇岩口味既醬汁呢個就係朋友既韓式部隊鍋
餐廳佔地面積頗大 可以容納好多張枱枱櫈櫈 我地坐喺窗邊 可以眺望街景～ 最特別既係 佢地有機械人幫手送餐飲！ 佢好可愛 每次一出場就有好多人影佢相 或者一直望住佢 😂
Menu方面 佢地有多款不同主題既鍋 有中國川菜風味、韓式部隊鍋、美式黑毛豬肉同埋港式雜丸鍋 我地個個鍋都有興趣 不過由於我太愛牛肉 所以揀左星級精選鍋 可以試到美國黑毛豬肉😋 而朋友就揀左韓式部隊鍋 佢鍾情於家鄉風味😂
我點左台式珍珠奶茶 多茶少冰～好中意彈牙既珍珠 煙韌綿密 口感十足～當然唔少得奶茶既完美比例 中意茶既人可以選擇多茶 茶香更濃郁😋
朋友點既係冰紅茶 紅茶好香好清新 感覺健康有益 而且我地食呢啲又肥膩又熱氣既火鍋 飲紅茶可以清下熱氣 分解脂肪
食火鍋用既醬油都唔可以忽視 好既醬汁絕對有助提升食物既鮮味 餐廳提供左三種醬汁 分別係經典醬汁、麻辣醬同埋香濃沙嗲醬 大家可以按自己既喜好 選擇岩口味既醬汁
呢個就係朋友既韓式部隊鍋 真係同韓國地道既部隊鍋好相似 有一堆泡菜、香腸、拉麵、雞蛋、午餐肉、肉丸等等 食落微辣 香氣撲鼻
呢個就係我揀既星級精選鍋 佢有大量肉丸、蔬菜、腐皮卷、金菇等 重點係頂級美國肥牛 佢揀選左牛最高質既部位黎做火鍋牛肉🐮 呢個部位唔係隻隻牛都有 係屬於一等一既牛肉～師傅仲話唔好煮得太熟 太熟就失去左牛肉既精髓～
淥一淥就要立即上碟 呢個係我既製成品 😂 熟既程度可以拿捏得更好～ 佢既牛肉好香 一啲都唔羶 仲要口感十足 鮮嫩多汁😋
我仲配左紅薯粉一齊食～ 紅薯粉落鍋大約七分鐘就食得～好爽口彈牙 😋 食埋一定可以飽肚 有啲澱粉質係唔同啲既
肉丸方面 有啲係落左芥末做餡料 有啲係蟹籽 有啲係豬肉 每一粒都各有特色 獨一無二～ 大家食個陣要小心啲 因為大部分都係流心丸子 可能會辣親個口 慢慢食就岩～ 不過食食下 就俾我見到呢粒有樣既丸 好搞笑 佢係魚蛋黎架 真係好可愛😆 懷疑係呢間店主人既樣😂
我同朋友都覺得一人一鍋好滿足 岩曬貪心既我地😜 服務員好熱情 會同我地傾計 又會加湯 又會幫我地換新既火爐 好貼心～ 下次有機會再帶朋友去食過
張貼
