佐賀山田 · 涮涮鍋 (已結業)

係太古城同朋友食一人一鍋，見係太古呢一間一人火鍋🍲選擇都幾多，價錢嚟講唔貴，有好多選擇，有牛、豬、雞等等唔同套餐！今日我只同朋友食嘅係美國極品黑毛豚豬肉放題$279/90分鐘， menu 上仲寫明套餐仲可以叫蟹籽墨魚滑，北海道帆立貝，牛舌同埋海虎蝦，唔使怕話淨係食豬咁悶！湯底有好多款選擇，朋友叫咗一個相對清淡嘅昆布鏗魚湯底，我就加10蚊叫咗一個濃味少少嘅蟲草花胡椒豬肚湯底，好養生既感覺，微微辛辣既胡椒味十分之鍾意，仲有件件豬肚喺湯底，好暖胃！餐廳係用手機app落單，十分之方便，餐廳先比左一盤黑豚豬肉俾我哋，其他嘅就用app點～都幾多選擇。主打既黑毛豚肉唔油膩、好滑，有豬肉嘅味道，唔點醬汁都夠味，有豬肉油脂但唔膩，比普通豬肉鬆軟啲，味道比牛肉嚟講更加清爽，好軟熟！另外呢個套餐既牛舌都超正！軟熟有牛香～ 牛肩肉同牛肩胛肉就會比牛舌脂肪感重啲，厚物過牛舌，會啖啖肉啲👍🏻配料方面，我個人最鍾意嘅配料就係蟹籽墨魚滑，好彈牙鮮味，唔會成口粉漿味，配埋湯底嘅少少胡椒味好正呀！海虎蝦都幾出色。好有彈性唔會霉，比想像中大隻好多！炸既明太子炸雞都係推薦，同拉麵店炸雞有得比！薄皮多汁！另外出邊嘅雪櫃都有好多