潮潮居

營業中

休息中

接完亞仔放學經過黃埔隻船，見到海報做緊一人一鍋潮汕牛肉火鍋套餐，午市$118/位，我甚少中午食火鍋，但見到咁抵，即管上去試吓。搭𨋢上2樓，入到去環境乾淨企理，經理即帶我哋兩個入去坐低，之後我就點咗個餐，揀咗沙茶湯底。老實講，一人一鍋真係好，又衛生又可揀自己鍾意嘅湯底，好怕同人share一個鍋。大約10分鐘，所有食物上齊，潮汕牛肉軟韌適中，真係有牛味，丸有四粒，我較鍾意牛丸同魚蛋，魚蛋軟綿綿，牛丸好彈牙，墨魚丸就麻麻哋。另外有一個菜籃同河粉，食完就真係啱啱好。呢個套餐真係唔錯，冇中伏，一定有下次！