本延鍋物

營業中

休息中

啱啱好喺灣仔銅鑼灣中間位置嘅本延鍋物門面有格調，黑白色配搭淺木色彩感覺亦相當放鬆。本延鍋物主打一人嘅關西風壽喜燒鍋，平日/假日套餐好似略有不同，平日lunch一百幾就可以食到A4-A5級和牛價錢相當親民😳而且仲有海鮮及其他稀有部位嘅和牛做單點，唔叫套餐嘅話選擇都有好多👏🏻極上A4黑毛和牛 $458/190g本延特選A5黑毛和牛 $528/190g和牛肉質軟嫩且帶有溫和的味道，和牛油花遍佈均勻、鮮嫩，簡單淥10秒8秒就入口即化🤤撈埋蛋漿一齊食更加好味！套餐有跟前菜、野菜拼盤、無菌雞蛋、日本米飯/+$15升級烏冬☺️除咗傳統關東壽喜燒湯底之外，一人鍋嘅好處就係可以試埋其他湯底，另一款柚子胡椒湯，淡淡胡椒香帶有清新嘅柚子香味，中和返和牛嘅油脂感，仲多咗一個柚子胡椒嘅醬汁可以點。