元気寿司 (荷里活廣場)

營業中

休息中

自己係住呢度附近，而且經常都好晏先收工，返到屋企都冇乜特別嘢食，所以都會碰吓運氣睇吓呢一度會唔會好多人排隊，如果冇乜人排隊就會入去食，因為佢有好多自閉位，所以一個人食都唔會尷尬。但係值得留意嘅係呢一間嘢成日都會有好多飛排緊隊，但實質上又唔係真係等好耐，經常其實都會有二三十張飛喺前面等緊，如果大家有會員，記得嚟之前撳一撳掣拎咗飛先。自己嗌呢一個壽司一定係會嗌三文魚，包括花之戀同埋普通三文魚，兩隻都好好食。而自己再要私心推介嘅係蟹膏系列，包括一個蟹肉蟹膏同埋甜蝦蟹膏，兩個都非常之出色，蟹膏非常之好食，一定要叫。