炑八韓烤 (MegaBox) (已結業)

星期六12:00就去到，餐廳唔算好多人，範圍好大好多枱，好快就入到去，但係個燒烤爐唔係好夠熱，要燒比較長嘅時間先至熟，啲肉會容易燒得比較銀。我叫咗五花牛肉燒烤套餐，爐邊蛋係無限添加，個餐包海帶湯，個湯味有啲鹹，有幾塊海帶，本身跟紫菜飯，上面有少少芝麻，食落好香口，個飯軟硬度適中，唔會乾身。五花牛肉有大概十片，脂肪同肉嘅比例適中，唔會好厚好難燒，每張枱配有鉸剪，如果覺得太厚可以自行剪薄，牛肉本身已經醃有醬汁，燒完之後好入味。叫咗杯荔枝梳打，比較甜好多冰。