餃掂手工餃子雲吞專門店

幫女兒去銅鑼灣拎網購物品，諗住叫老公過來食晚餐，佢又話趕唔切，叫我食自己，醒起餃掂手工餃子專門店就在附近。佢地有一人餐，一於買份外賣回家自己食。店外門口都有很多客人等位和等外賣，落單不久已經包裝妥當。餃子餡料有多款，我最喜歡的是韮菜餃，餃子有7隻，餡料飽滿，韮菜豬肉比例適當，鮮味有肉汁。湯用另一碗盛載，湯底用上狀元九鼎湯，即粉葛、鲮魚、赤小豆扁豆、鮮排骨等熬煮而成，補腎益氣，不加味精，健康有益。蔥味酸辣雲耳，味道酸中帶辣，是一度既爽口又醒胃的小食。自家製山楂雪梨水(凍)：味道不太甜，帶少許山楂酸味，滋潤健康飲品。